Aımaqtar • 26 Maýsym, 2019

«Shymkent Bus» avtobýs parki ashyldy

193 ret kórsetildi

Shymkentte qala kúnine oraı mýnısıpaldy avtobýs parki ashyldy. Qala ákimi Ǵabıdolla Ábdirahymov áleýmettik jobanyń lentasyn qıyp, park ishin aralap kórdi.

«Turǵyndarymyzdy qolaıly qoǵamdyq kólikpen qamtamasyz etý maqsatynda jańa «Shymkent Bus» avtobýs parkin saltanat­ty túrde ashtyq. Sapaly qoǵam­dyq kólik máselesi – bizdiń nazary­myz­daǵy mańyzdy másele. Biz bul suraqty júıeli túrde sheshýdemiz. Elbasy Nursultan Ábishulynyń tapsyrmasyna sáıkes Úkimettiń qoldaýymen Shymkent qalasy «Qazaqstan Damý Banki-Lızıng» AQ-nyń arnaıy baǵdarlamasy arqyly bıyl qalamyzǵa otandyq «Saryarqa Avto Prom» kompanııasynan jańa, zamanaýı 1000 avtobýs satyp aldy. 160 avtobýs búginnen bastap qala kóshelerine shyǵady, 140 avtobýs shilde aıynda jetkizilip, qalǵan 700 avtobýs jyl sońyna deıin marshrýttarǵa shyǵatyn bolady. Osy kólikter xalqymyzdyń ıgiligi úshin qyz­met etip, Shymqala kórkeıe ber­sin», dedi qala ákimi.

Elimizdegi biregeı joba retinde jumysyn bastaǵan avtobýs par­kinde JMS, servıstik ortalyq, avtojýý qyzmeti bar. Jataqhana, medpýnkt jáne júrgizýshilerge arnalǵan ashana da qarastyrylǵan.

Taǵy bir qýanyshty jańa­lyq – Shymkentke Qazaq­stan­da qurastyrylǵan 300 jańa avto­býs jetkizildi. Olar salqyn­datqyshtarmen, pandýstarmen, beınekameralarmen, jolaýshylar aǵynynyń datchıkterimen, GPS-trekerlermen jabdyq­tal­ǵan. Jolaýshylardyń jalpy syıymdylyǵy – 56 adam, avtobýs uzyndyǵy – 8,5 metr.

Saltanatty jıynda shahar basshysy avtobýstardyń múmkin­dikterimen tanysty. Qala kúnine oraı №138, 153 baǵytta qaty­naı­tyn sý jańa avtobýstar qala tur­ǵyndaryna qyzmet kórsete bastady.

 

ShYMKENT

 

Sońǵy jańalyqtar

Elordada Ulttyq Onim kórmesi ashyldy

Elorda • Búgin, 16:52

Dollar 425 teńgeni qurady

Qarjy • Búgin, 16:33

Aqtóbede jol apatynan eki adam qaza tapty

Aımaqtar • Búgin, 13:35

Uqsas jańalyqtar