«Memleket basshysy «Aqorda» rezıdensııasynda «Bloomberg» Halyqaralyq aqparat agenttigine suhbat berdi.Qasym-Jomart Toqaev elimizdiń aldaǵy damýy týraly kózqarastarymen bólisti. Áleýmettik, qarjy-ekonomıkalyq jáne ınvestısııalyq máseleler boıynsha birqatar suraqqa jaýap berdi. Suhbattyń deni Qazaqstannyń syrtqy saıasatyna, aımaqtyq kún tártibine jáne AQSh-pen ekijaqty ózara is-qımyldarǵa arnaldy», delingen habarlamada.
«Bloomberg» agenttigi - iskerlik álemde qarjylyq málimetter men saraptamalyq materıaldardy taratý boıynsha kópshilik moıyndaǵan kóshbasshy. Suhbattyń beınejazbasy «BloombergTelevision» telearnasynan kórsetiledi jáne «Bloomberg» termınaldary arqyly da tanysýǵa bolady. Sondaı-aq, aptalyq aýdıtorııasy 4 mıllıon bolatyn www.bloomberg.com saıtyna da ornalystyrylady.
