Bizge bergen aqparatqa qaraǵanda laýazym ıesi jer telimderin bólý boıynsha jerge ornalastyrý jobasyn ázirleý jónindegi jalǵan kelisim-shartqa qol qoıyp, bir top sybaılastarymen úlestik kásiporyn arqyly 83 mıllıonteńge memleket qazynasyn qoldy etken. Kúdiktiniń áıeli 19,5 mıllıon teńgeni qolma-qol aqshaǵa aınaldyryp jatqan jerinde ustalǵan. Sheneýnikke bultartpas sharasy qoldanylyp, ýaqytsha ustaý oqshaýlaǵyshyna toǵytylǵan. Zaıyby kinásin tolyq moıyndaǵandyqtan jáne kámelet jasqa tolmaǵan eki balasy bary eskerilip, qamaýǵa alynǵan joq.
Jastarmen kezdesýde aımaq basshysy Qumar Aqsaqalov sybaılas jemqorlyqa oqıǵasyna oraı pikir bildirip, bul is boıynsha tergeý amaldary júrgizilip jatqanyn jetkizdi.
«Qol astyndaǵylar sybaılas jemqorlyqqa qatysty bolsa, basshylar qyzmetinen ketýi kerek. Bul–Prezıdent Qasym-Jomart Toqaevtyń ustanymy. Basqarma jetekshisi Esken Ákimjanov tıisti túrde qadaǵalaý jasaı almaǵanyn moıyndap, onyń óz erkimen otstavkaǵa ketý týraly ótinishin qabyldadym», dedi Qumar Irgebaıuly.
Soltústik Qazaqstan oblysy
