Kompanııa ár klıenttiń teńgerimine 30 mınýt pen 5GB mobıldi ınternet aýdardy, jaramdylyq merzimi 30 kún. Bul týraly barlyq abonentke SMS arqyly aqparat jiberildi.
«Arys turǵyndary úshin osy bir qıyn sátterde baılanysta bolý asa mańyzdy. Sonymen qatar otandastarynyń da beıtarap qalmaı, olarǵa qol ushyn sozýy asa mańyzdy. Shymkent pen Túrkistandaǵy Beeline-nyń aımaqtyq keńsesiniń qyzmetkerleri Arys turǵyndaryna erikti kómek kórsetýde, al kompanııanyń basqa keńselerinde zardap shekkenderge kómek retinde aqsha jınalýda», - dedi Beeline Qazaqstannyń Korporatıvtik qatynas dırektory Alekseı Bendz.
24 maýsym kúni Túrkistan oblysynyń Arys qalasyndaǵy áskerı bólimniń aýmaǵynda oq-dári jarylǵanyn esterińizge salamyz. Qalanyń barlyq turǵyny qaýipsiz jerge kóshirildi. Qaza tapqandar da bar. Zardap shekken júzdegen jan aýrýhanaǵa jatqyzyldy. Arys turǵyndary Shymkenttegi jáne jaqyn eldi mekenderdegi evakýasııa pýnktterine ornalastyryldy
ALMATY
