Týrnır fınalynda jas qazaqstandyqtar ıtalııalyq «TFT Florııa-2000» komandasyn penaltı boıynsha utyp, esep 4:2 boldy. Matchtyń negizgi esebi - 0:0.
Fınalǵa barar jolda almatylyqtar Polsha, Ispanııa, sondaı-aq ıtalııalyq fýtbol klýbtarymen kezdesti.
«Bul jeńis bizge erekshe qýanysh syılady. Bizge shyn kóńilimen sengeni úshin jattyqtyrýshymyz Beıbit Qulybekovke alǵysymyz sheksiz. Jankúıerlerimizdiń úmitin aqtaý úshin barymyzdy saldyq. Sátti sapar boldy», - deıdi «Arystannyń» 13 jasar oıynshysy Mıras Gabdylmýtalapov.
Aıta keteıik, týrnırde 24 elden 126 komanda baq synady. Katalonııa kýbogy osymen 32-shi ret ótip otyr.
