Arqar atyp, aqbóken aýlaǵan brakonerlerdi quqyq qorǵaýshylar tap bastyrmaı ustady
Beısenbi, 4 sáýir 2013 2:04
Qyzylorda oblysynyń quqyq qorǵaýshylary aınalasy birer kúnniń ishinde taý ańǵarynda arqar atyp, adyrda aqbóken aýlap júrgen arsyz ańshylardy quryqqa túsirip, qylmystarynyń jolyn kesti. Aldymen polısııa basqarmasy tabıǵatty qorǵaý bólimi men «Ohotzooprom» О́B memlekettik mekemesi qyzmetkerleri birlesip qurǵan jedel top Jańaqorǵan aýdany aýmaǵyndaǵy Arqarbulaq shatqalynda arqar atyp júrgen azǵyndarǵa jolyqty.
Beısenbi, 4 sáýir 2013 2:04
Qyzylorda oblysynyń quqyq qorǵaýshylary aınalasy birer kúnniń ishinde taý ańǵarynda arqar atyp, adyrda aqbóken aýlap júrgen arsyz ańshylardy quryqqa túsirip, qylmystarynyń jolyn kesti. Aldymen polısııa basqarmasy tabıǵatty qorǵaý bólimi men «Ohotzooprom» О́B memlekettik mekemesi qyzmetkerleri birlesip qurǵan jedel top Jańaqorǵan aýdany aýmaǵyndaǵy Arqarbulaq shatqalynda arqar atyp júrgen azǵyndarǵa jolyqty.
Tabıǵat qorǵaýshylardyń kózderine el-jurttan alys mańda mańyp júrgen «ÝAZ» birden tústi. Al ony qaýmalap júrip toqtatyp, salonyn ashyp qalǵanda, arǵy jaǵynan bir arqardyń sypyrylyp alynǵan eti sýyrylyp shyǵa keldi. Qazaqstannyń Qyzyl kitabyna kirgen sırek kezdesetin bul ańdy nege jáne ne úshin atyp alǵandaryn endi biri 51-degi, ekinshisi 34-tegi Jańaqorǵan aýdanynyń turǵyndary sot aldynda aıtyp beretin bolady. Olar mingen kóliktiń salonynan sondaı-aq MS úlgidegi 1 ańshy myltyǵy men 3 dana polıtılendi oq aıǵaqty zat retinde alyndy. Qazir jınaqtalǵan qujattar boıynsha aýdandyq ishki ister bólimi kúdiktiler ústinen tekserý amaldaryn júrgizýde.
Osynyń artynsha Aral aýdandyq prokýratýrasynyń uıymdastyrýymen júrgizilgen reıd kezinde bir aqbókenniń eti men alty aqbókenniń múıizin alyp bara jatqan qanypezer quryqqa tústi. Ol Aral qalasynyń soltústigindegi 90 shaqyrym jerdegi avtotrassa boıynan «Honda» markaly kólik toqtatylǵan kezde aıan boldy. Al mashına men ondaǵy zattardyń ıesi Sekseýil kentiniń 27 jasar turǵyny bolyp shyqty. Tekserý qorytyndysynda salonnan taǵy 1 dana qoldan jasalǵan pyshaq, 1 dana qol arasy aıǵaq zat retinde tárkilenip alyndy.
Kúdikti retinde ustalǵan jigit aqbókendi kentten 80 shaqyrym qashyqtyqtaǵy Qutı taqyrynan qýyp ustaǵanyn moıyndaǵan. Prokýratýra bul oqıǵaǵa baılanysty da qylmystyq is qozǵalyp, anyqtaý amaldaryn júrgizý úshin qujattardy aýdandyq ishki ister bólimine joldady.
Erjan BAITILES,
«Egemen Qazaqstan».
Qyzylorda oblysy.
