A. Aımaǵambetov qosymsha 5 myń grant bólinetin mamandyqtar jáne basqa da naqtylyqtary eńbek naryǵynyń suranysyna oraı aıqyndalatynyn aıtty.
«Qosymsha granttardy bólýge qarajattar jergilikti atqarýshy organdarǵa, jergilikti bıýdjetterge transferttermen baǵyttalady. Jáne naryqtyń suranystary men belgili bir mamandyqtarǵa qajettilikterge oraı árbir óńir boıynsha qajetti mamandyqtar aıqyndalatyn bolady», — dedi mınıstr.
Jalpy konkýrsta grant ala almaǵan, kóp balaly otbasylar men ataýly áleýmettik kómek alatyn otbasylardan shyqqan balalar tamyz aıynda jergilikti ákimdikterge qosymsha ótinish berip, jınaǵan ballyna sáıkes tıisinshe grantqa ıe bola alady.
«Barlyǵy 5 myń grant bólinedi. Bul granttar bıyl da bólinedi, ıaǵnı, osy granttar boıynsha oqýǵa túsetin jastar bıylǵy 1 qyrkúıekten bastap bizdiń JOO-larda oqýlaryn bastaı alady», — dep naqtylady A. Aımaǵambetov.
