Desek te, Almatydaǵy medısınalyq ahýaldyń syn kótermeıtin tustary bar. Bilikti mamandardyń jetispeýshiligi, kásibı turǵyda medısınalyq kómek kórsetýde oryn alatyn kemshilikter, ásirese alǵashqy medısınalyq-sanıtarlyq jáne «jedel» járdem qyzmetteriniń, stasıonarlardyń jumysy, medpersonaldyń dórekiligi, dárilerdiń jetimdiligi boıynsha aryzdar men shaǵymdar osyny dáleldeı tússe kerek.
Qalanyń Baspasóz qyzmetiniń málimetteri boıynsha, №5 QKA medısına qoǵamdastyǵymen, úkimettik emes uıymdar ókilderimen kezdesip, densaýlyq saqtaý salasynyń aǵymdaǵy jaǵdaıyn talqylady, sonymen qatar problemalyq máselelerdi ashyq talqylap, salany odan ári damytýdyń joldaryn belgiledi. Almaty ákimi qalalyq qoǵamdyq densaýlyq basqarmasyna jumysty jaqsartý boıynsha birqatar tapsyrmalar berdi.
Prezıdent Qasym-Jomart Toqaevtyń tapsyrmasyna saı medısınalyq qyzmettiń qoljetimdiligi, densaýlyq saqtaý salasyn sıfrlandyrý, dárigerlerdiń mártebesin arttyrý syndy máselelerdi sheshý qajettigin atap ótken qala ákimi «Medısınalyq qyzmettiń sapasy - bizdiń megapolısti damytýdyń basty kórsetkishi. Sondyqtan birge jumys istep, oryn alǵan kemshilikterdi tikeleı aıtyp, olardy sheshý men salany damytý joldaryn tabý qajet», - dep atap ótti. Sonymen qatar qalalyq qoǵamdyq densaýlyq basqarmasy eki apta ishinde problemalyq máselelerdi sheshýdiń keshendi josparyn ázirleýi qajettigin tapsyrdy. Qala ákimi aıdyń sońyna deıin qalanyń barlyq medısına mekemelerinde medısınalyq jabdyqtardy tıimdi paıdalaný jáne tutyný baǵasy boıynsha aýdıt ótkizýdi tapsyrdy.
ALMATY
