Qysqy sport túrleri boıynsha Olımpıadalyq daıarlaý ortalyǵy basshysy Sembekov Mırhaıat jarys qatysýshylaryn jarystyń ashylýymen quttyqtady. «QR Mádenıet jáne sport mınıstrligi atynan halyqaralyq týrnır qatysýshylaryna qosh keldińizder deımin. Atalǵan bazada biz alǵash ret osyndaı joǵary deńgeıdegi sharany alǵash ret qabyldap otyrmyz. Atalǵan obekt barlyq halyqaralyq standarttarǵa saı keletinin aıtqym keledi. Jospar boıynsha biz bul bazada 4 balalar tramplıni men 300 orynǵa arnalǵan mektep-ınternat salamyz. Biz shańǵymen júgirý, bıatlon, shańǵymen tuǵyrdan sekirý sport túrleri boıynsha jarystardy qabyldaýǵa daıynbyz.
Barlyqtaryńyzdy bazada kútemiz. Jarysqa qatysýshylarǵa sáttilik!», dedi ortalyq basshysy. Sonymen qatar, shańǵymen tuǵyrdan sekirý Halyqaralyq Federasııasynyń úılestirýshisi Horst Tılman týrnırdiń uıymdastyrylýyn joǵary baǵalady.
«Men Ortalyq Azııada dál osyndaı sport obektisiniń salynǵanyna qýanyp otyrmyn. Bul basy ǵana, biz munda áli talaı Álem Kýbogi kezeńderi men Álem Chempıonattaryn ótkizemiz. Osyndaı nysandarda Olımpıada chempıondary daıyndalady. Sizderde sporttyq áleýeti joǵary balalar bar, máselen, Jasóspirimder arasynda ótken Álem Chempıonatynyń qola júldegeri Sergeı Tkachenko bolashaǵynan kóp úmit kúttiretin jigit», dedi halyqaralyq federasııa ókili.
Shańǵymen tuǵyrdan sekirýden FIS Kýbogi – jyl saıyn uıymdastyrylatyn halyqaralyq jarys. Atalǵan týrnır Halyqaralyq shańǵy sporty Federasııasy (FIS) aıasynda uıymdastyrylady, Álem Kýbogine irikteý kezeńiniń alǵashqy satysy sanalady.
Shańǵymen tuǵyrdan sekirýden Qurlyqtyq Kýbok – jyl saıyn uıymdastyrylatyn halyqaralyq jarys, Atalǵan týrnır Halyqaralyq shańǵy sporty Federasııasy (FIS) aıasynda uıymdastyrylady, týrnır jazǵy jáne qysqy mezgilde de óte beredi. Bul jarys Álem Kýbogi kezeńine iriktelýge múmkindik beretin ekinshi saty sanalady. Qajetti upaı jınaǵan sportshy Álem Kýbogyna qatysýǵa múmkindik alady.
Shýchınsk qalasy 11-12 shildede alǵash ret áıelder men erler arasyndaǵy eki FIS Kýbogyn K-95 tramplıninde jáne qos Qurlyqtyq FIS Kýbogyn áıelder arasynda K-95tramplıninde jáne erler arasynda K-125 tramplıninde 13-14 shildede qabyldaıdy.
Halyqaralyq jarysqa Aýstrııa, Germanııa, Qazaqstan, Ońtústik Koreıa, Norvegııa, Reseı, Rýmynııa, Slovenııa, Ýkraına, Shveısarııa jáne Japonııa elinen kelgen 72 sportshy qatysýda.
Qazaqstan quramasyn 15 sportshy bastaıdy. Qazaqstandyq sportshylardyń halyqaralyq jarystardaǵy eń úzdik nátıjeleri:
Tkachenko Sergeı – FIS Kýbogy (Planısa) – 1 orynTkachenko Sergeı (2018 jylǵy qysqy Olımpııa oıyndarynyń qaıysýshysy) – 2019 jylǵy Jasóspirimder arasyndaǵy ÁCh (Lahtı) – 3 oryn
Tkachenko Sergeı – FIS Kýbogy (Sapporo) – 3 oryn
Shıshkına Veronıka – Azııa balalary– 1 oryn
Sderjıkova Valentına – FIS Kýbogy (Planısa) – 3 oryn
Jarys Qazaqstan Respýblıkasynyń Mádenıet jáne sport mınıstrligi, Aqmola oblysynyń ákimdigi, «Ulttyq Olımpıada Komıteti», «Ulttyq Shańǵy Qaýymdastyǵy» jáne Qysqy sport túrleri boıynsha Olımpıadalyq daıarlaý ortalyǵynyń qoldaýymen ótip jatyr.
