Oblysta astyqpen qatar, aýyl sharýashylyǵy daqyldarynan búgingi tańǵa 211,4 myń tonna kartop, 553,3 myń tonna kókónis, 592,4 myń tonna baqsha daqyldary jınalyp, ózge óńirlerge jiberilýde jáne shetelge eksporttalýda. Jyl sońyna deıin 2,7 mln tonna kartop, kókónis, baqsha ónimderin jınaý josparlanyp otyr. Ordabasy aýdany Bórjar eldi mekenindegi «Maqta kompanııasy» JShS-na barǵan Túrkistan oblysynyń ákimi О́mirzaq Shókeev egis kólemimen, aýyl sharýashylyǵy salasyndaǵy jumystarmen tanysty. Sharýalarmen kezdesip, usynystaryn tyńdady. Sonymen qatar, oblys basshysy egis alqabynda kombaın júrgizip, bıdaı ordy.
Oblystyq aýyl sharýashylyǵy basqarmasynyń basshysy Nurbek Badyraqovtyń málimdeýinshe, bıylǵy aýyl sharýashylyǵy daqyldarynyń egis kólemi - 823 myń gektar. Bul ótken jyldan 9,8 myń gektarǵa artyq. Al bıdaıdyń egis kólemi bıyl 218 myń gektarǵa jetse, maıly daqyldar – 96,8 myń, maqta – 129 myń gektarǵa egilgen.
