Aımaqtar • 18 Shilde, 2019

Túrkistan: Alty aıda 1 558 quqyqbuzýshylyq anyqtalǵan

201 ret kórsetildi

Memlekettik qyzmet isteri agenttiginiń Túrkistan oblysy boıynsha departamenti tarapynan jyl basynan bergi alty aıda 32 tekserý júrgizilip, 1 558 quqyqbuzýshylyq anyqtalǵan. Zańsyzdyqtardy joıý maqsatynda 98 usynys engizilip, 20 qyzmetkerge tártiptik jaza qoldanylypty. Al 9 laýazymdy tulǵaǵa ákimshilik tarapynan is qozǵalǵan. О́ndirilgen aıyppul kólemi - 231 300 teńge.

- Ádep jónindegi keńes sheshimimen 27 laýazymdy tulǵany tártiptik jaýapkershilikke tartý usynylyp, onyń ishinde memlekettik qyzmetshige saı emes minez-qulyq kórsetip, dórekilik tanytqan 2 laýazymdy tulǵa jáne sybaılas jemqorlyq faktilerin bile tura quzyrly mekemelerge habarlamaǵan 1 basshy qyzmetinen bosatyldy, - dedi departament basshysy Ǵalym Tursynbaev óńirlik kommýnıkasııalar qyzmetinde ótken brıfıngte.

Mansaptyq joǵarylatý ishki konkýrstar nátıjesinde 242 memlekettik qyzmetshi joǵary laýazymdarǵa taǵaıyndalǵan. Mansaptyq ósý kórsetkishi 67,2 paıyz bolǵan.  Sonymen qatar departament basshysy «Túrkistan – adaldyq alańy» jobalyq keńsemen 438 is-shara atqarylǵanyn atap ótti. Bul is-sharalar bilim berý uıymdarynan bastaý alǵan. Naqtyraq aıtsaq, joǵary qabatta jáne keń kabınette otyrǵan 316 mektep dırektorynyń 308-i ashyqtyqty qamtamasyz etý úshin 1 qabatqa aýysqan. Bul úrdisti jalǵastyrǵan Shymkenttegi 7 densaýlyq saqtaý uıymdarynyń bas dárigerleri de óz kabınetterin aýystyrdy. Olar aýdany keń kabınetterin shaǵynyna aýystyra ǵımarattyń birinshi qabatyna jaıǵasqan. «8000-nan astam aýyl turǵynyna «Ashyq Túrkistan» jobasy aıasynda quqyqtyq, zańnamalyq kómekter kórsetilip, 40 aýyldyq ákimdikterde turǵyndarǵa qoljetimdi tegin WI-FI, stasıonarly tegin telefon, kompıýter jáne prınterler qoıyldy.  Bul joba aıasynda qoǵam arasynda  adaldyq, parasattylyq negizderin qalyptastyrý maqsatynda oblysymyzda sońǵy 6 aı ishinde jobalyq keńse bastamasymen,  818 «adaldyq dúkeni» ashyldy», - dedi Ǵ.Tursynbaev.

Aıta ketelik, Túrkistan oblysynda barlyǵy 606 memlekettik organ jumys isteıdi. Onyń 445-i jergilikti atqarýshy jáne 161-i ortalyq organdardyń aýmaqtyq departamentteri.

 

Túrkistan oblysy

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar