Alǵa adymdaǵan «Azııa-Avto»
Juma, 5 sáýir 2013 2:46
О́tken jyl elimizdegi avtomobıl óndirisiniń tuńǵyshy – «Azııa-Avto» aksıonerlik qoǵamy úshin jemisti jyl boldy. Jyl kóleminde 16513 qazaqstandyq úlgidegi jeńil kólikterdiń 19 túri shyǵaryldy. Onyń ishinde 14998 kólik ıelerin tapty. О́skemendegi kólik zaýyty ónim óndirýdi birneshe ese arttyrdy. Bul tabystyń ózdiginen kelmegeni belgili.
Juma, 5 sáýir 2013 2:46
О́tken jyl elimizdegi avtomobıl óndirisiniń tuńǵyshy – «Azııa-Avto» aksıonerlik qoǵamy úshin jemisti jyl boldy. Jyl kóleminde 16513 qazaqstandyq úlgidegi jeńil kólikterdiń 19 túri shyǵaryldy. Onyń ishinde 14998 kólik ıelerin tapty. О́skemendegi kólik zaýyty ónim óndirýdi birneshe ese arttyrdy. Bul tabystyń ózdiginen kelmegeni belgili.
Al bıylǵy jyl byltyrǵydan da tabysty bolatyn túri bar. Jaqynda zaýytta «KIA Cerato-2014» sedan kóligi shyǵaryla bastady. Qazaqstandyq zaýyt bul kólikti jasaýdy qolǵa alǵan alǵashqy kásiporyn. Atalmysh sedan koreıalyq kompanııanyń eń tabysty ári belgili úlgisi sanalady. Álem boıynsha bul kóliktiń 2,5 mıllıony tirkelgen. Aıta ketý kerek, kóliktiń bul túrin zaýyt 2010 jyldan bastap shyǵaryp jatyr. Úsh jylda jańa kólik elimizde eń kóp satylatyn tulpardyń ishinde úshtikke kirip úlgergen.
Eń basty másele – sapa. Sapaly kólik shyǵarý úshin izdenis pen ilkimdilik kerek. Biz qurastyrýshy mamandardyń biliktiligin arttyrýǵa nazar aýdaramyz. Mamandar shetelderde bilimderin jetildiredi. Bir aı buryn kóliktiń taǵy bir jańa túri – «KIA SIT» hechbekti óndiriste qurastyra bastadyq. Oǵan suranys kóp. Al bir apta buryn kóliktiń jańa eksklıýzıvti túri – aýqatty adamdar tutynatyn «KIA KUORIS» kóligi ómirge joldama aldy. Onyń baǵasy 70-85 myń AQSh dollary kóleminde. Al shetelderde ol otyz paıyz qymbatyraq. Ústimizdegi úsh aıda ǵana bizdiń zaýyttan 6685 kólik shyǵaryldy. Eki aıda kólikterdiń 3249-y satylyp ketti. Senesiz be, el ekonomıkasynyń qaryshtap alǵa basýynan bolar, О́skemende qurastyrylatyn kólikterge suranys kúsheıip barady, tipti qajet kólikterin satyp alýǵa jarty jylǵa deıin kezekke turatyndar kezdesedi. Demek, kólik sapasy avtoáýesqoılar kóńilinen shyqty deýge negiz bar. Jyl aıaǵyna deıin byltyrǵy kórsetkishten asyp túsýge múmkindik tolyq, deıdi «Azııa-Avto» AQ prezıdenti Erjan Mandıev.
Osydan bir jyl buryn Reseıdegi alyp kásiporyn «AvtoVAZ» kompanııasy Úkimet basshylarynyń aralasýymen óskemendik «Azııa-Avto» zaýytymen kelisimge kelip, birlesip kólikterdiń jańa túrin shyǵarý, ekonomıkalyq qarym-qatynas ornatý jóninde memorandýmǵa qol qoıǵan. Keleshekte kólikke qajet qosalqy bólshekterdi qurastyrý, shanaqtaryn jasaý jergilikti jerde júzege aspaq. Oblystyq ákimdik jańa zaýyt qurylysyna myńdaǵan gektar jer telimin berdi. Otandyq óndiris damyǵan jerde el ekonomıkasy da qaryshtap alǵa basa bermek.
Ońdasyn ELÝBAI,
«Egemen Qazaqstan».
О́SKEMEN.
Sýrette: «Azııa-Avtoda» shyǵarylǵan jańa kólik.
Sýretti túsirgen avtor.
