«Elbasynyń tapsyrmasy boıynsha elordany damytýdyń ózekti máselelerin sheshý, onyń ishinde bilim berý, densaýlyq saqtaý nysandaryn salý jáne kólik ınfraqurylymyn damytý boıynsha Nur-Sultan qalasyn damytýdyń bes jyldyq Keshendi jospary daıyndalyp, bekitildi», — dep QR Premer-Mınıstri, QR Prezıdenti Q. Toqaev elimizdiń bas qalasynyń damýyna úlken mán beretinin jáne Úkimetke birqatar mindetterdi júktegenin aıtty».
Memlekettik komıssııa otyrysy barysynda qalanyń jıyntyq qurylysy jónindegi keshendi jospardy iske asyrý, gazben jabdyqtaý, qala mańyn damytý jáne úlestik qurylys máseleleri talqylandy.
Keshendi jospardy iske asyrý jáne Nur-Sultan qalasyn damytýdyń ózekti máseleleri týraly qala ákimi A. Kólginov baıandady. Beıindi baǵyttar boıynsha ulttyq ekonomıka mınıstri R. Dálenov, densaýlyq saqtaý mınıstri E. Birtanov, bilim jáne ǵylym mınıstri A. Aımaǵambetov, aýyl sharýashylyǵy mınıstri S. Omarov, ındýstrııa jáne ınfraqurylymdyq damý mınıstri R. Sklıar, ekologııa, geologııa jáne tabıǵı resýrstar mınıstri M. Myrzaǵalıev, ádilet mınıstri M. Beketaev, energetıka birinshi vıse-mınıstri M. Dosmuhambetov baıandady.
«Elordada turǵyn úıge suranys joǵary kezde turǵyn úı qurylysynyń qarqyny tómendemeýi tıis», — dep Asqar Mamın, 6 aıdyń qorytyndysy boıynsha qurylys qarqyny 20%-ǵa tómendegenin aıtty.
Jalpy, jarty jyldyń qorytyndysyna sáıkes negizgi kórsetkishter boıynsha artta qalýshylyq baıqalýda: negizgi kapıtalǵa ınvestısııalar 20%-ǵa, turǵyn úıdi paıdalanýǵa berý 33%-ǵa tómendedi.
«Úkimet Elordany keshendi damytýdy iske asyrý úshin barlyq qajetti sharalardy qabyldady. Elorda áleýmettik-ekonomıkalyq damý kórsetkishterine qol jetkizý boıynsha barlyq óńirlerge úlgi bolýy tıis», — dedi Asqar Mamın.
Jekelegen másele — Nur-Sultan qalasynyń tóńiregin damytý. Elorda ákimdigi bıyl 9 jobany iske asyrýdy josparlady, sonyń ishinde áleýmettik, mádenı mańyzdaǵy nysandar, gazdandyrý nysandaryn, ınjenerlik jeliler salý máseleleri bar.
«Nur-Sultan qalasynyń tóńiregindegi máselelerdi sheshýge úsh jyldyq kezeńge 22,5 mlrd teńge qarastyrylǵan, osy qarajatty qala tóńireginde ómir súretin azamattardyń turmys sapasyn arttyrýǵa jumsaý qajet», — dep Asqar Mamın basa aıtty.
Úkimet basshysy keńes qorytyndysyn shyǵara otyryp, birqatar naqty tapsyrmalar berdi.
Elorda ákimdigine múddeli memlekettik organdarmen birlesip, Keshendi jospardyń is-sharalaryn ýaqytyly ári sapaly iske asyrý, elorda tóńireginde nysandar salýdyń JSQ ázirleý boıynsha qajetti sharalardy qabyldaý, úlestik qurylystaǵy problemalyq nysandardyń qurylysyn aıaqtaýdy jedeldetý tapsyryldy.
QR Premer-Mınıstri Nur-Sultan qalasy ákimdiginiń negizgi jumysy gazben jabdyqtaý, kósheni jaryqtandyrý, nóser kanalızasııasy, áleýmettik nysandar salý, abattandyrý, kólik jelilerin damytý máselelerin jedel túrde sheshý ekenin aıtty.
