QR Premer-Mınıstri Asqar Mamın QR Tuńǵysh Prezıdenti – Elbasy N. Nazarbaevtyń tapsyrmasy boıynsha salynyp jatqan Nur-Sultan qalasyndaǵy Ulttyq ǵylymı onkologııalyq ortalyqqa bardy.
QR Úkimetiniń basshysyna jańa ǵylymı onkologııalyq ortalyqty salý boıynsha jol kartasyn iske asyrý barysy týraly baıandalyp, ǵımaratty jobalaý syzbasymen tanystyryldy. Ǵylymı onkologııalyq ortalyq astyńǵy qabatyn qosa alǵanda 6 qabattan turady. Ǵımarattyń jalpy aýdany — 49 sharshy metrden astamdy quraıdy. Qurylys aýmaǵy — 16 myń sharshy metrden astam. Qurylysty 2021 jylǵy naýryzda aıaqtaý josparlanǵan.
Jańa ortalyqta qaterli isik aýrýlaryn anyqtaý men emdeýdiń aldyńǵy qatarly tehnologııalary paıdalanylǵan, sonymen qatar, osyǵan deıin qurylǵan kardıologııalyq jáne neırohırýrgııalyq klasterlerdiń tájirıbesin paıdalana otyryp, lazerlik, sáýlelik jáne jasýshalyq-ımmýndyq terapııa qoldanylady.
Búginde ýaqytsha ǵımarattar men qurylystardy salý, osyǵan deıin bolǵan ákimshilik-turmystyq nysandardy buzý, shuńqyr qazý, sý deńgeıin tómendetý, baǵanany qaǵý jumystary oryndaldy, sondaı-aq, irgeli jumystar bastaldy.
2018 jyly Úkimet medısınalyq qyzmetterdi usyný sapasyn jaqsartýdy jáne onkologııalyq dıspanserlerdegi jabdyqtardy jańartýdy kózdeıtin, 2018–2022 jyldarǵa arnalǵan qaterli isik aýrýlarymen kúres jónindegi keshendi jospardy qabyldady.
Buǵan qosa, nysandy aralaý barysynda jańa ǵylymı onkologııalyq ortalyq salý úshin jer telimin Nazarbaev Ýnıversıtetinen respýblıkalyq menshikke berý máselesi de qaraldy.
