«Birge – Taza Qazaqstan» respýblıkalyq ekologııalyq aksııasy aıasyndaǵy ekologııalyq senbilik barysynda Esil jáne Qarasý ózenderiniń, Vıacheslav sý qoımasy men Maıbalyq kóliniń jaǵalaýlary tazartyldy.
Is-sharaǵa 5 myńnan astam adam qatysty.
Olardyń qatarynda QR Úkimetiniń músheleri, elorda ákimdiginiń qyzmetkerleri, memlekettik jáne qoǵamdyq uıymdardyń ókilderi, stýdentter, eriktiler boldy.
Ekologııalyq aksııanyń qatysýshylary Esil jáne Qarasý ózenderiniń jaǵalaýlaryn áýejaıdan Qaraǵandy trassasyna qaraı, Maıbalyq kólin, Vıacheslav sý qoımasynyń jaǵalaý mańyndaǵy aýmaǵyn tazalady, 16 tonnaǵa jýyq qoqys jınaldy.
Eske sala keteıik, QR Premer-Mınıstri Asqar Mamın 2019 jylǵy 20 shildede Qoıandy sý qoımasyndaǵy «Birge – Taza Qazaqstan» ekologııalyq aksııasyn bastady. Sol kúni aksııaǵa 1,2 myńnan astam adam qatysyp, 10 tonnadan astam qoqys jınaldy.
