Ýchılıshede 1910-1916 jyldar aralyǵynda Á.Sátbaev dırektory qyzmetin atqaryp, Júsipbek Aımaýytov, Qanysh Sátbaev, Álkeı Marǵulan sekildi tulǵalarǵa sabaq bergen muǵalim.
Ǵımarat qabyrǵasynda Ábikeı Sátbaevqa deıin Qanysh Sátbaevtyń, Júsipbek Aımaýytovtyń osynda bilim alǵany týraly eskertkish taqtalary ornatylǵan.
Eskertkish taqtanyń ashylýyna Á.Sátbaevtyń jıeni, Dánel Álkeıqyzy Marǵulan, jergilikti aqyn-jazýshylar, óńirde bastalǵan « Uly dala tarıhy men mádenıeti» ekspedısııasyna arnaıy kelgen IýNESKO ǵalymdary qatysty.
Al, uly tulǵaǵa estelik taqta ornatýdy jergilikti memlekettik pedagogıkalyq ýnıversıtet rektory Altynbek Nýhuly bastama jasady.
Kópshilik oryndy usynys aıtyp, qoldaý tapsa oqý orny aldaǵy ýaqytta Ábikeı Sátbaev esimimen atalýy da múmkin.
Halqymyz Qanysh Sátbaevtyń esimin jaqsy bilgenimen, onyń ustazy, aǵasy Ábikeı Sátbaev týraly kóp bile de bermeıdi. Ábikeı atamyz 1938 jyly «Halyq jaýy» retinde aıyptalyp, jazyqsyz atylǵan.
Pedagog, aǵartýshy qaıratker, Alashorda ókimetiniń múshesi Ábikeı Sátbaev 1881 jyly Baıanaýylda dúnıege kelgen.
Keıin 1920 jyly Semeıge aýysqan Á.Sátbaev /1881 -1938/ Semeı pedagogıkalyq tehnıkýmynyń dırektory bolyp taǵaıyndalady. Júsipbek Aımaýytov, Qanysh Sátbaev, Muhtar Áýezov, Álkeı Marǵulandar osy jerden oqýlaryn jalǵastyrady.
Ýnıversıtette «Ulaǵatty ustaz Ábikeı Sátbaev» atty jınaq kitap jaryq kórdi.
Pavlodar
Sýretti túsirgen: Janasyl Serikbol
