Arman men senim

Seısenbi, 1 qańtar 2013 8:35

(Joldaý  joldarynan týyndaıtyn oı)

Jańa jyl qarsańynda tir­shi­lik qanshama qarbalasqa toly bol­sa da kez kelgen esti adam óter jyldyń eleýli oqıǵalary men ártúrli kezeńderin, synaq­ta­ry men qıyndyqtaryn, qaıshy­lyq­tary men úılesimdikterin, jet­pegeni men jetkenin, joǵalt­qany men tapqanyn, renjigeni men qýanǵanyn kóz aldynan bir ótkizip, Jańa jyldy jaqsy ti­lek, izgi nıetpen qarsy alyp, keler kúnge úmit jalǵaýǵa talpynatyny tabıǵı qubylys ári dás­túr-salt. Ýaqyt shirkinde de sál bolsa da kidiris joq, pendege mo­ıyn burǵyzbaı, óz ekpinin toq­tat­pas­tan zyrqyraı bereri de aqıqat. Sol ýaqyttyń ólshemi men bergen múmkindigin sezine, túsine alǵan adam ǵana ýaqytpen úndesip, oǵan ilese alary da haq.

Seısenbi, 1 qańtar 2013 8:35

(Joldaý  joldarynan týyndaıtyn oı)

Jańa jyl qarsańynda tir­shi­lik qanshama qarbalasqa toly bol­sa da kez kelgen esti adam óter jyldyń eleýli oqıǵalary men ártúrli kezeńderin, synaq­ta­ry men qıyndyqtaryn, qaıshy­lyq­tary men úılesimdikterin, jet­pegeni men jetkenin, joǵalt­qany men tapqanyn, renjigeni men qýanǵanyn kóz aldynan bir ótkizip, Jańa jyldy jaqsy ti­lek, izgi nıetpen qarsy alyp, keler kúnge úmit jalǵaýǵa talpynatyny tabıǵı qubylys ári dás­túr-salt. Ýaqyt shirkinde de sál bolsa da kidiris joq, pendege mo­ıyn burǵyzbaı, óz ekpinin toq­tat­pas­tan zyrqyraı bereri de aqıqat. Sol ýaqyttyń ólshemi men bergen múmkindigin sezine, túsine alǵan adam ǵana ýaqytpen úndesip, oǵan ilese alary da haq.

Qoǵam, memleket te solaı. Ýa­qyttyń úrdisine laıyq áreket ja­saı alsa ǵana jahandyq damýdan shet qalmaı, Uly kóshtiń kó­rikti tobynda júre alatynyna kó­zi­miz­di jetkizgen elimizdiń, mem­leke­ti­mizdiń búgingi ómiri, ty­nys-tir­shi­ligi, keskin-kelbeti, je­tistikteri men izdenisteri, talpynystary men maqsattary ekendigi de esh­kim­niń kúmánin týǵyza qoımas.

Ár jyl – ózinshe shejire. Bir jylda qoǵam, memleket ómirinde ótken, bolǵan mańyzdy sharalar men jańalyqtardyń bárin tizbe­lep jatý maqsat emes. Jyl basynda berilgen múmkindikti paıdalanyp, aıtqymyz kelgeni – ót­ken jyl men keler jyldyń toǵy­syndaǵy búkil elimizdiń nazaryna kóterilgen eń eleýli oqıǵa­lar­dyń qoǵam sanasyna, dúnıeta­ny­myna, bolashaqqa degen qaırat-jigerine, senim, nanymyna áseri, yqpaly. О́ıtkeni, adam da, qoǵam da aldaǵy ýaqytqa, jańa jylǵa úmitpen, senimmen, jospar tilegi­men jalǵasady.

Sondaı halyqtyń júregine jetip, janyn jadyratqan, sanasyn silkintip, kókiregine qýat ber­gen ótken jyldyń eń iri ja­ńalyǵy da, oqıǵasy da Elbasy Nursultan Ábishuly Nazarbaev­tyń Táýelsizdik merekesi qarsa­ńyn­da jarııalaǵan Qazaqstan da­mýynyń 2050 jylǵa deıingi strategııasy boldy. Shyn máninde bul jolǵy Joldaý jarııalaný mezgili jaǵynan da, mazmuny jaǵynan da dástúrli jyl saıynǵy Joldaýlardan aıryqsha, qoǵamǵa múldem jańa serpin berdi. Joldaýdyń basty maqsaty – Qazaqstan hal­qynyń sanasyn, dúnıetanymyn ózgertý arqyly ómirin jaqsartý, ómir sapasyn kúsheıtý, adamdar­dyń óz ómirine degen kózqarasyn ózgertý.

Bul Joldaýdyń budan bu­rynǵy Joldaýlardyń sabaqtas jalǵasy ekendigin túsinýmen bir­ge onyń ereksheliginiń, maqsa­ty­nyń ultymyzdyń rýhyn, sanasy men sapasyn buryn-sońdy bol­maǵan dárejege kóterýge shaqyr­ǵanyn túsinýimiz qajet. Ol úshin osy jyl boıy da, bolashaqta da Joldaýdyń ár sóziniń salmaǵyn bilgen jón.

Elbasy bul uzaq merzimdi baǵdarlamasyn jarııalaýdyń se­bepterin, negizderin aıshyqtap aıtty. Memlekettigimizdiń 21 jy­lynyń ár jylynda Qazaq eli­niń ǵasyrǵa tatyrlyq damý jolynan ótip, orasan jetistikterge qol jetkize alǵanymyz týraly búkil halyq, kórshi memleket ók­il­deri, dúnıejúzilik qoǵamdastyq ınstıtýttary, halyqaralyq uı­ym­dar, kórnekti álemdik tulǵalar, basqa memleket basshylary, dıp­lomattar, saıasatkerler, jýrna­lıs­ter ádil baǵasyn, pikirlerin aıtýy, jańa Qazaqstandy moıyndaýy – úırenshikti jaǵdaı boldy. Iаǵnı, kezinde biz, bizden burynǵy talaı urpaq armandap ótken el, memleket bolǵanymyzdy álem tanyp, moıyndady.

Qazaqtyń eńsesi kóterilip, eli erlep, rýhy órlep, álem elderi isine qyzyǵyp, sózine qulaq asatyn dárejege jettik. Táýelsiz memlekettigimizdi baıandy Máńgi­lik Elge ulastyrýǵa halqymyz­dyń tolyq negizi bar ekendigine aıryqsha ekpin berildi.

Elbasy óz Joldaýynda mańyz berip, kókeıiniń túbinde saqtaǵan syryndaı etip aıtqan Máńgilik El bolý úshin búkil halyq bolyp, barlyq memlekettik quzyrly qu­rylymdardyń, bılik tarmaqta­ry­nyń taıaý jyldarda qandaı sharalardy júzege asyryp, qan­daı mindetterdi atqarý kerektigi tolyq qamtylyp, naqty tapsyrma berildi. Joldaýdyń árbir tar­maǵyna áli talaı oralyp, taldap, saraptap, taratyp pikir alysar­lyq múmkindik te mol. Jol­daý­dyń árbir bólimi, taraýy tek resmı quzyrly memlekettik oryndar men qurylymdar, memle­ket­tik laýazymdy qyzmetkerler ǵana emes, búkil halyqtyń, árbir qa­zaqstandyqtyń jaýapkershiligin talap etedi.

Jyl basyndaǵy osy maqalada Nursultan Ábishuly óz Jolda­ýynyń eń sońǵy bóliminde ony tyńdaǵan, oqyǵan ár adamnyń sanasyna áser eterlik myna sóz­derdi erekshe tebirenispen aıtqa­ny­na nazar aýdaryp, ekpin bergim keledi.

Elbasynyń: «Qurmetti qazaq­standyqtar! Meniń otandastarym! Búgingi Joldaýymda men sizderdiń árqaısylaryńyzǵa sóz arnaımyn… …Bul dúnıede bizdiń bir ǵana Otanymyz bar, ol – táýelsiz Qazaqstan… Biz bolshaq­qa kóz tigip, táýelsiz elimizdi «Máńgilik El» etýdi murat qyl­dyq. «Qazaqstan-2050» strategııa­sy osynaý máńgilik joldaǵy býyndar birliginiń, urpaqtar sabaq­tastyǵynyń kórinisi. Táýelsiz eldi óz qolymen qurǵan býynnan bastalǵan uly isterdi keıingi ur­paqtyń laıyqty jalǵastyra­ty­nyna kámil senemin. Babalardyń erligi, búgingi býynnyń eren is­te­ri jáne jas urpaqtyń jasampaz­dyǵy arasynda sabaqtastyq bolsa ǵana, biz «Máńgilik El» bolamyz. Sondyqtan barlyq býyn ókilderine ún qatamyn!» – degen úndeý sózderi kimdi bolsa da nazar aýdartyp, jaýapkershiligin, otan­­shyldyq sanasyn oıatýǵa yq­pal eteri sózsiz. Qazaq halqy El­­ba­sy­nyń osy úndeýin túsinip, qol­daý kórsetetinine esh kúmán joq.

Elbasy eline el bolatyn sózin aıtyp, bolashaqtyń jolyn betke alyp, eldiń «Máńgilik El» saparyn bastady. Janynda qazaqtyń qany bar árbir azamat osyny se­zinýi, túsinýi tıis. Iаǵnı, qazaq­pyn degen árqaısymyz ultymyz­dyń, tilimizdiń, Otanymyzdyń, memle­ketimizdiń erteńin, bola­sha­ǵyn oı­laýǵa, onyń máńgilik qun­dylyq­tarynyń saqtalyp qana qoımaı, jahandyq órkenıetpen qatar damýyna áreket jasap, qaıratkerlik eńbek etý paryzymyz ekenin túı­sinýge, túsinýge mindettimiz.

Sóz joq, Joldaýda memleket­tiń quzyrly oryndaryna arnaıy tapsyrmalar da berildi. Ol tap­syr­ma­lardyń oryndalatynyna tá­ýel­sizdik aýanynda ótken jıyrma bir jylymyzdaǵy jeńis­te­rimiz ben jetistikterimiz kepil.

Osy tusta eskeretin jaıt, el­diń órkendeýi eń aldymen tur­mys áleýetiniń deńgeıimen tike­leı baı­lanysty ekenine eshkim­niń de kúmáni joq. Táýelsiz Qa­zaq­stan ekonomıkalyq reforma­lar­dyń ná­tıjelerin naqty ha­lyqtyń ıgiligine jumsaǵan qýat­ty memleket bola alǵanyn álem moıyndady. Eń aldymen ózimiz­diń kózimiz jetti. О́z múmkin­di­gi­mizge degen senim ornyqty. Osy jetistik­ter­di aldaǵy taıaý jáne uzaq mer­zimde údete túsip, ha­lyq­tyń ba­qýatty turmys-tirshiligin, áleý­mettik suranysyn sapaly qamta­masyz etýdi álemniń eń ozyq memleketteriniń dárejesine jet­kizý mindetine de Elbasy osy Joldaýynda aıqyn basymdyq berdi. Olar – óndiristiń órken­de­ýi, jańa tehnologııalyq qondyr­ǵylardyń keńinen taralyp, iske qosylýy, jańa jumys oryndary, Qazaqstannyń barlyq óńirle­rin­de jumyssyzdyqty joıý, báse­ke­lestikke shydas bere alatyn ónim óndirý, turmys deńgeıiniń sapasyn jaqsartý, eldi áleýmettik nysandarmen tolyq qamtý sııaq­ty keshendi máseleler.

Nursultan Ábishuly óz Joldaýynda joǵaryda aıtylǵan maq­sattarǵa qol jetkizý úshin sońǵy 15 jylda qandaı sharalar uıym­dastyrylyp, qandaı jumystar atqarylǵanyna, qandaı nátıje­lerge qol jetkize alǵanymyzǵa saraptama jasap, ádil baǵasyn berdi. Ol kórsetkishter kóńilge senim uıalatýmen qatar, halyqtyń ál-aýqatyn arttyryp, ulttyq uj­danyn, rýhyn kóterdi, bola­shaqqa degen senimin ornyq­ty­ryp, yntasyn qýattandyrdy.

1997 jyly, áli ekonomıkalyq daǵdarys údep turǵan tusta bizdiń Prezıdent «Qazaqstannyń- 2030 jylǵa deıingi Damý strategııasyn» halyqqa usynǵanda keı­bir toptar «eldiń jalaqysyn, zeı­netaqysyn tóleı almaı otyr­ǵanda qaıdaǵy damyǵan Qazaq­stan» degen syńaıly kúdik aıt­qany da ras. Mine, biz sol kezde qııal kóringen mejelerge jete alǵanymyzǵa kýá boldyq. «Qazaq­stan-2030» Strategııasy eldi ty­ǵyryqtan shyǵaryp qana qoımaı, damýdyń uzaq merzimdi joldaryn, josparyn jasaý tásiliniń ómirsheńdigin de kórsetti, halyq­tyń kóńilindegi kúdigin seıiltip, óz qabiletiniń qýattylyǵyna sen­dirdi. Sóz joq, bul – óte úlken rýhanı jeńis. Bul jeńis ulttyq sanany, dúnıetanymdy ózgertti. Sonyń nátıjesinde Elbasy endi 2050 jylǵa bet alyp, bel býýǵa shaqyrǵanda, bárimiz de bul úndeýdi 2030-dyń zańdy, tabıǵı jalǵasyndaı qabyldadyq.

Biz Qazaqstan damýynyń 2030 jylǵa deıingi strategııasynyń  nátıjeleri men qorytyn­dy­laryna aıryqsha mán bere otyryp, onyń sabaqtaryn endi 2050 jylǵy mejelerge bettegen tusta jan-jaqty eskerip, súıene, paı­da­lana bilýimiz qajet. О́ıtkeni, osy Joldaý ultymyzdyń múdde­sine, barlyq suranystaryna, bo­la­shaǵyna jaýap berip tur. Mem­leketimizdiń qaýipsizdigi men tu­raq­tylyǵyn, ultymyzdyń ósýi men órkendeýin, óz elinde jetek­shiligin qamtamasyz etetin bar­lyq túbegeıli máseleler osy Joldaýda tolyq qamtylǵan. Kóp qazaq­tyń kókeıinde júrgen oılar da osy qujatta qorytylyp, ony jú­zege asyrý joldary jarııa etildi. Elbasy qazaqtyń ulttyq múddesin jarııa etip, halyqqa ún qatty. Soǵan sóz júzinde qostap qana qoımaı, naqty ispen qosylý, ilesý árbir azamattyń paryzy bolmaq.

Sirá, halyqtyń bolashaq ále­mine úlken saparynyń basynda, bizdiń qoǵamda táýelsizdigimizdiń alǵashqy kúninen bastap osy kúnge deıin tolassyz pikirta­las­qa taqyryp bolyp kele jatqan «ulttyq ıdeıa» týraly suraqtar men pikirlerge Prezıdenttiń dál osy 2012 jyldyń 14 jeltoqsany kúni jarııa etilgen dáýirlik Joldaýynda tolyqqandy jaýap be­ril­di dep aıtýymyzǵa ábden bolady.

О́ıtkeni, ol pikirtalastardan syrt qalmap edik. О́z oıymyzben ártúrli taqyryptyq dóńgelek ústelderde, konferensııalarda, jıyndarda qatynasýshylarmen oı bólisip, pikir alysyp júrgen jaǵdaıymyz da bar. Sońǵy jyldarda «Egemen Qazaqstan» gazeti­niń betterinde jaryq kórgen bir­neshe saıasatnamalyq maqalala­rymyzda ulttyq ıdeıanyń negizgi ózegi memlekettik táýelsizdigimiz ekendigi týraly óz pikirimizdi oqyr­mandar nazaryna usynýdyń da sáti kelgen.

Elbasynyń bul jolǵy Joldaýy mazmuny jaǵynan da, qury­ly­my jaǵynan da, baıandalýy ja­ǵy­nan da osyǵan deıingi Joldaý­lar­dyń jyldan-jylǵa ulasqan jalǵasy bola tura, kóptegen kúr­deli máselelerge, qubylystarǵa, ásirese, eldiń bolashaǵyna qarata múldem bólek, tyń, erekshe kóz­qaras usynǵan jańa joba boldy. Jınaqtap aıtqanda, Joldaýdyń osy sıpattaryn ashatyn iri-iri túıinderdi tómendegishe toptas­tyrýǵa bolar edi. Olar:

Birinshiden, ótken kezeńge, dá­lirek aıtqanda, «Qazaqstan-2030» Strategııasynyń oryndalýyna jan-jaqty taldaý jasalyp, onyń jetistikterin aldaǵy kezeń­derdegi damý joldary men sharalar barysynda biliktilikpen paıdalana bilýge nazar aýdaryldy.

Ekinshiden, ekonomıka jetis­tikterin memleketimizdiń, halqy­myzdyń turmys deńgeıin, áleýe­tin ómir sapasyn jańa dárejege kóterip, álemdegi eń myqty, aý­qatty memleketter qataryna enýge bar múmkindikti jumyldyrýǵa shaqyrdy.

Úshinshiden, aldaǵy qyryq jyl kóleminde Qazaqstan ishki-syrtqy saıasatynda qandaı sala­lyq jańǵyrtýlardan ótýi qajet, ári ony memleketimizdiń nyǵaıýy men halyqaralyq dárejedegi bedelin kóterýge jumyldyrýdyń jańa joldary men jobalary aıshyq­taldy.

Tórtinshiden, XXI ǵasyrdaǵy jahandyq ózgerister men quby­lystar Qazaqstan damýyna qan­daı yqpal etýi múmkin, ári onyń qaýip-qaterlerin qalaı eskerý qa­jettigine tereń boılap toqtaldy.

Besinshiden, taıaý jyldarda kóp salaly rýhanı-mádenı, demo­kratııalyq reformalar júrgizý arqyly ozyq órkenıet jetis­tik­te­rine saı, kez kelgen adam erkin ómir súre alatyn ashyq, jańa­shyl Qazaq memleketin turaq­tan­dyratyn «Máńgilik El» bolyp qalyptasatyn armandy júzege asyrýǵa tuńǵysh ret osylaı pár­men berildi.

Ásirese, osy besinshi topta­ma­ǵa baılanysty bizdiń qazaqtar el bolyp eskermeı júrgen jaǵda­ıy­myz bar ekenin de aıta ketýdiń jóni kelip tur. Ras, resmı oryndar, laýazymdy qyzmetkerler atqarýǵa mindetti naqty isterdi júzege asyrý týraly oryndy aıtylyp ta júr. Prezıdent jańa zaman talaby turǵysynan naqty tapsyrma berdi.

Osy Joldaýdan keıin bizdiń laýazymdy memlekettik qyzmet­kerlerimiz – mınıstrler, ákim­der, barlyq deńgeıdegi depýtattar, barlyq memlekettik qyz­met­kerler ómirge, Prezıdent talaptaryna, aıtqan oı-tujyrym­da­ry­na buryn-sońdy bolmaǵan ja­ńa kózqaraspen qaraýy qajet-aq. О́zderiniń kózqaras sanasyn óz­gertýleri, sol arqyly qoǵamdy ózgertýge yqpal etýleri tıis.

Elbasynyń halyqpen dıdarlasý, kezdesýlerinde kóp jaǵdaı­da keıbir ulttyq problemalardy adamnyń jany men júregine, sanasy men júıkesine jetkizip, erekshe baýyrmaldyq, janashyr­lyq sezimmen qazaqqa qaratyp, qazaqı tilmen aıtatyny bar. Osy joly da Nursultan Ábishuly búkil qazaqqa, sonyń ishinde orys tildi qazaqtarǵa arnap tómendegi sózdi aıtty: «Qazaq tili týraly aıtqanda, isti aldymen ózimizden bastaýymyz kerektigi umyt qala­dy. Ulttyq múddege qyzmet etý úshin árkim ózgeni emes, aldymen ózin qamshylaýy tıis. Taǵy da qaıtalap aıtaıyn: qazaq qazaq­pen qazaqsha sóılessin. Sonda ǵana qazaq tili barsha qazaq­stan­dyqtardyń jappaı qoldanys ıgi­ligine aınalady. Tilge degen kóz­qaras, shyndap kelgende, elge degen kózqaras ekeni daýsyz. Son­dyqtan oǵan beıjaı qaramaıyq. Qazaq tili jappaı qoldanys tili­ne aınalyp, shyn mánindegi mem­lekettik til mártebesine kóteril­gende, biz elimizdi QAZAQ MEM­LEKETI dep aıtatyn bolamyz». Bizge QAZAQ MEMLEKETI men MÁŃGILIK ELDEN artyq qandaı ulttyq ıdeıa kerek? Qazaqqa jo­ǵa­rydaǵydaı sóz jetkiliksiz be?

Osyndaı sózdi túsine almaǵan orys tildi qazaqty kim deýge bolady? Oǵan ne deýge bolady? Biz zaıyrly, izgilikti, quqyqtyq, ór­kenıetti memleket bolǵandyqtan, eshkimdi de májbúrleýdiń qajeti joq. Kez kelgen tildi, ásirese, kimge bolsa da óz ana tilin máj­búrlep úıretý tildiń mártebesin kótere almaıdy. Adamǵa «ózińniń týǵan anańdy súı» dep zań qa­byldaý qajet pe? Onda adam degen jaratylystyń tabıǵı bol­my­synan ne qalmaq? Qaı ultqa da til týraly uǵym solaı emes pe?

Nemese memleket apparattarynda, memleket qyzmetinde ju­mys isteýge shekteý qoıý jolymen júrýge týra kele me? Qazir bizdiń mınıstrlikter apparattarynda qyzmet isteıtinderdiń 90 paıyzǵa jýyǵy qazaq jastary, tipti oqý, bilimdi táýelsiz Qazaqstan tusyn­da alǵan. О́kinishtisi – olardyń kóbinde ulttyq sananyń sáýlesi de joq. Olar bóten bıliktiń, ult­tyń ústemdigin kórmegen, onyń qandaı bolatynyn túısinbeıdi de, sezinbeıdi de. Eń qaýiptisi – olardyń kóbi óziniń ana tilin bilmegenine qysylmaıdy, keri­sin­she, bılikti, aǵa urpaqty, óz áke-sheshelerin kinálaıdy. Eldiń bárin kinálaǵansha ózi sanasy men kózqarasyn ózgertip, qany men teginde jatqan qazaq tilin oıatyp, tilge den qoıyp, qazaqsha oqyp, jazsa ári ketkende jarty jyl, bir jylda ana tilinde jazylǵan qaǵazdy oqyp shyǵarlyq qaýqary bolar edi. Sana men nıet bolmaı tur. Osy seńdi buzý qajet. Osy tońdy jibitý qajet. Ol, shyn­tý­aıt­qa kelgende, ár qazaqtyń óz qany, sanasy, qolyndaǵy múmki­n­digi. Ana tilin bilmeıtin, bilgisi kelmeıtin qazaqtarǵa Prezıdent­tiń sózinen keıin rýhanı silkinis qajet. Onyń esh qıyndyǵy joq ekendigin qazaqsha qazaqty ja­ńyl­dyryp sóıleıtin orys, ne­mis, ýkraın, koreı ulttarynyń ókilderi dálel­dep júr. Biz teledıdardan kúnde kóretin qazaq, orys tilderinde ádemi habarlar júrgizetin Oksana Peters, Maııa Veronskaıa, Iýlııa Kýshnareva, Igor Sahar, Olga Samorýkova, Irına Ten, taǵy basqalardyń mádenıeti men bili­mi, jurtty súısindiretin adamı qanyq qazaq tilindegi sózderi qa­laısha qazaq­sha sóılemeıtin qa­zaqtardyń túı­sigine áser etpeı­ti­nine tańǵa­la­myn.

Qazaq ejelden kónbis, tózimdi, sabyrly halyq bolsa da asa se­zimtal halyq edi. Bir kezde búkil qazaq orys tilin de orystan je­tik meńgerip aldyq emes pe? Or­ys tili bizdiń baılyǵymyz, biz odan eshqashan bas tartpaımyz. Orys tilin joǵaltpaımyz. Qazir bizdiń jastarymyz aǵylshyn, ne­mis, qytaı, túrik, taǵy basqa til­derdi de erkin meńgerip júrgende óziniń qanynda aǵyp, tamyry búlkildep jatqan ata teginiń, anasynyń tilin bilgisi kelmeıtini ne sumdyq? Mine, ulttyq ıdeıa jolyndaǵy kiltıpan.

Elbasynyń erekshe qasıeti – el basqarý isiniń mártebesin, aby­roıyn kóterip, qandaı qaı­shylyqty, tyǵyryqqa tirelgen jaǵdaılarda da asyp, saspastan, ári jaıbaraqattyqqa da salynbas­tan, eń utymdy jol tańdap, ádil sheshim qabyldaı alatyny. Eli­mizdiń memleket qurǵan jyldarynda Qazaqstan halqy oǵan talaı ret kýá boldy.

Sondaı asa mańyzdy irgeli she­shim Qazaq memleketiniń bola­sha­ǵymen tikeleı baılanysty tilden bastalǵan kóp máseleniń túbegeıli túbirin de Prezıdent atap kór­setti. Qýanatyn jaǵdaı – Prezıdent tuńǵysh ret bizdiń Qazaq memleketi dárejesine ósý, óný jolymyzdy atap, soǵan jetý úshin ne isteý qajettigin ashyp aıtty. Bul zor tarıhı jetistik, jeńis bolar edi. Eger Qazaq memleketine jetsek, onyń kelesi satysy «Máńgilik El» bolary sózsiz.

Ústimizdegi 2013 jyldyń da aıqyn ereksheligi «Qazaq­stan- 2050» Strategııasynyń alǵashqy baspaldaǵy bolatynynda. Elbasy tapsyrmasyna sáıkes, bul jyl 1997 jylǵy baǵdarlama men jańa Strategııalyq damý baǵ­dar­lamasynyń arasyndaǵy jalǵas­tyrýshy kópir qyzmetin atqara­dy. Osy ýaqytqa deıingi sátti jetistikter 2013 jyl arqyly jarty ǵasyrlyq bolashaqqa qu­lash urmaq. Joldaýda atalyp, aıshyqtap kórsetilgendeı, jas memleketimizdiń ósip-órkendeý baǵytyndaǵy kóptegen jasampaz josparlary dál osy 2013 jyldan bastaý alyp, halqymyzdyń áleýmettik turmysy men óz múmkindigin óz ıgiligine jumsata alar sharalarǵa jol ashylýy kóz­delýde. 2013 jyldyń memleke­timizdiń damyp, qýattana túsýinde eleýli, tabysty jyl bolýyna búginge deıingi ekonomıkadaǵy, áleýmettik baǵyttaǵy jańa mejeler men nysandar aýqymyn keńeıtý, turmys sapasyn kóterý kórsetkishteri de zor yqpal etip, ekpin bereri anyq.

XXI ǵasyrdyń bel ortasyn­daǵy Táýelsiz, órkendegen, qýat­ty, izgilikti, erkin Qazaq mem­le­ketin kórý bárimizdiń de Armanymyz bolsa, sol Armanǵa tek qaı­ratty Eńbek, qajymas Senim men Birlik, Yntymaq arqyly jetýge bolatyndyǵyn sanamyzben tú­si­ný – bizdiń ulttyq paryzymyz.

Qýanysh SULTANOV,

Parlament Májilisiniń depýtaty,

«Nur Otan» HDP fraksııasynyń múshesi.