QR Úkimetiniń qaýlysymen Nurlan Oralbekuly Borambaev Qazaqstan Respýblıkasynyń Reseı Federasııasyndaǵy Saýda ókili bolyp taǵaıyndaldy.
N. Borambaev 1971 jyly Selınograd qalasynda dúnıege kelgen. 1993 jyly «Eńbekke baýlý jáne jalpy tehnıkalyq pánder muǵalimi» mamandyǵy boıynsha S. Seıfýllın atyndaǵy Aqmola pedagogıkalyq ýnıversıtetin, 1995 jyly «býhgalter-revızor» mamandyǵy boıynsha Aqmola qarjy-ekonomıkalyq tehnıkýmyn, 2007 jyly «ekonomıka» mamandyǵy boıynsha T. Rysqulov atyndaǵy Qazaq ekonomıkalyq ýnıversıtetin támamdaǵan.
Eńbek jolyn memlekettik qarjylyq baqylaý organdarynda bastady, mınıstrlikter men vedomstvolarda, kommersııalyq uıymdarda jumys istedi.
2006 jyldan bastap QR Prezıdentiniń Is basqarmasy júıesinde jumys isteıdi, bólim meńgerýshisiniń orynbasary, bólim meńgerýshisi qyzmetterin atqarǵan.
2010 jylǵy maýsym men 2012 jylǵy naýryz aralyǵynda — «Qazaqstan Respýblıkasy Prezıdentiniń teleradıokesheni» AQ bas dırektorynyń orynbasary;
2012 jylǵy naýryz ben 2013 jylǵy qazan aralyǵynda — QR Prezıdenti Is Basqarmasynyń «Búrkit» memlekettik avıakompanııasy» RMK dırektorynyń orynbasary, 2013–2017 jyldary — «Astana qonaq úıi» AQ prezıdenti;
2017 jylǵy shildede QR Prezıdenti Is Basqarmasynyń «Qazaqstan Respýblıkasy Prezıdenti Ákimshiligi men Úkimetiniń ákimshilik ǵımarattary dıreksııasy» RMK dırektorynyń orynbasary;
2019 jyldyń qańtarynan bastap qazirgi tańǵa deıin — «Materıaldyq-tehnıkalyq qamtamasyz etý basqarmasy» MM basshysynyń orynbasary.
