Baǵdarlamanyń jabylý saltanatynda 100 muǵalimnen jasaqtalǵan 25 komanda AQSh-tyń Qazaqstandaǵy ýaqytsha senimdi ókili Teodor Lıngke jáne Nazarbaev Ýnıversıtetiniń vıse-prezıdenti Qadısha Daıyrovaǵa óz jobalaryn tanystyrdy.
Bilim jáne ǵylym mınıstrligimen seriktestik sheńberinde 2019 jyldyń sáýirinde Boll Steıt ýnıversıtetiniń professorlary Qaraǵandy, Qostanaı, Pavlodar, О́skemen jáne Aqtóbe qalalarynyń 50 ǵylymı-jaratylystaný pánderi jáne 50 aǵylshyn tili muǵalimine jobalyq oqytý negizindegi kásibı damý trenıngin ótkizgen bolatyn. Mamyr men maýsym aılarynda 100 muǵalim onlaın oqýdan ótip, 8-26 shilde aralyǵynda Nazarbaev ýnıversıtetindegi trenıngke qatysqan.
Muǵalimderdi daıarlaý boıynsha Boll Steıt zertteý ýnıversıtetiniń úsh aptalyq baǵdarlamasyn Qazaqstandaǵy AQSh elshiligi qarjylandyrǵan. Elshiliktegi mádenıet boıynsha attashe Enn Perrellıdiń aıtýynsha, jobanyń basty maqsaty – Qazaqstandaǵy úsh tilde bilim berýdi jetildirý jáne oqý-ádistemelik materıaldardy kóbeıtý.
«AQSh elshiligi Qazaqstan ustazdarynyń aǵylshyn tilin bilý deńgeıin kóteretin bul jobaǵa qýana qoldaý bildiredi. Úshtildilik – jaqsy bastama, sondyqtan oǵan qoldaý bildirýdi uıǵardyq. Búgingi joba óte qyzyqty, sebebi onda túrli tásilder, STEM (Science, technology, engineering, and mathematics) baǵytyndaǵy tehnologııalar qoldanylady. Trenıngke qatysqan muǵalimderdiń kópshiligi orta mektepte sabaq beredi, bastaýysh synyp muǵalimderi de bar. Bizdiń oıymyzsha, bul - úlken jumys, STEM oqytýshylarynyń basym bóligi aǵylshyn tilin bilý mindetti emes dep oılaıdy. Biraq aǵylshyn tilin bilý arqyly álem boıynsha eń úzdik resýrstarǵa qol jetkizedi. Túrli baǵdarlamalarǵa qatysa alady. Joba bıyl alǵash ret uıymdastyryldy. Kelesi jyly da óz jalǵasyn tabady dep úmittenemiz», - dedi Qazaqstandaǵy AQSh Elshiligi mádenıet boıynsha attashe Enn Perrellı.
Sonymen birge jobaǵa Nazarbaev Ýnıversıtetiniń úzdiksiz bilim berý departamentiniń aǵylshyn tili oqytýshylary da shaqyrylǵan. Birlesken joba nátıjesinde pán muǵalimderine qajetti oqytýǵa arnalǵan resýrstar ázirlendi.
«О́z qalamyzdyń muǵalimderimen birigip, barlyq óńirdegi ustazdarǵa paıdaly bolatyn materıal ázirledik. Bul materıaldar elektrondy túrde barshaǵa qoljetimdi. Ázirge munda 5-synypqa arnalǵan ınformatıka pániniń materıaldary toptastyrylǵan. Munda pán muǵalimi barlyq taqyrypty izdep taba alady. Termınologııa bóliminde aǵylshyn tilindegi termınder, sózdik vıdeosy bar, túrli jattyǵýlar men qorytyndy testileý engizilgen», - deıdi temirtaýlyq muǵalim Tatıana Kon.
