01 Tamyz, 2019

Qyzyl jalynǵa oranǵan Sibir

217 ret kórsetildi

Reseıdiń Sibir aımaǵyndaǵy alapat órttiń tutanǵanyna bir aptaǵa jýyqtady. Alaıda kórshiles eldiń tótenshe jaǵdaılar qyzmeti tilsiz jaýdy aýyzdyqtaýǵa mursaty jetpeı jatyr. Reseı Federasııasy Tótenshe jaǵdaılar mınıstriniń orynbasary Aleksandr Chýprııannyń habarlaýynsha, qyzyl jalyn taıganyń 3 mln-ǵa jýyq gektar aýmaǵyn sharpyǵan eken.

Shyǵystan soqqan jeldiń saldarynan órt tútini Krasnoıar aımaǵyndaǵy Evenkı aýdanynan Hakasııa, Altaı aımaǵy, Kemerov, Novosibir, Omby jáne Tom oblystaryna taraǵan. Tótenshe jaǵdaı rejimi Irkýt oblysy, Krasnoıar aımaǵy, sol sekildi Býrıatııanyń eki aýdany jáne Iаkýtııanyń bir aýdanynda engizilipti. Eldiń tabıǵı resýrstar mınıstri Dmıtrıı Kobylkınniń boljaýynsha, órttiń tutanýyna kúnniń kúrkireýi áser etýi múmkin. Tilsiz jaýmen kúreske úsh myńdaı adam, 350-den astam tehnıka jáne 26 áýe quraly jumyldyrylǵan.

Dese de bıliktiń áreketi sibirlikterdiń kóńilinen shyqpaı otyr. Jergilikti turǵyndar órt oshaqtaryn shuǵyl túrde sóndirýdi talap etýde. Tipti osyǵan baılanysty arnaıy petısııaǵa qol qoıý naýqany bastalyp ketipti. Belsendiler qosymsha tehnıka men qutqarýshylardyń sanyn arttyrý qajet ekenin aıtady. Jergilikti halyq atalǵan jaǵdaıdyń oryn alýyna bılikti kinálaýda. Sebebi órtti sóndirý ekonomıkalyq turǵydan tıimsiz bolǵandyqtan, jaýapty organdar qulyqsyzdyq tanytty deıdi turǵyndar. Endi qaharyna mingen tilsiz jaý jaqyn mańdaǵy eldi mekenderdi de sharpýy múmkin. 

Reseıdegi jaǵdaıdy Gollıvýd juldyzdary da nazaryna alǵan eken. Máselen, Leonardo Dı Kaprıo Instagram-daǵy jeke paraqshasynda taıgadaǵy ahýalǵa alańdaýshylyǵyn bildirdi.

«Orman órtinen polıarlyq aımaqqa orasan nuqsan kelýde. Onyń Grenlandııa, Sibir men Alıaskadaǵy oshaqtaryn ǵaryshtan kórýge bolady. Dúnıejúzilik metrologııalyq uıymnyń málimetinshe, osy órttiń saldarynan kómirqyshqyl gazdyń mólsheri Shvesııadaǵy zııandy qaldyqtardyń jyldyq normasynan asyp túsken», deıdi Dı Kaprıo.

Jeli qoldanýshylary tanymal akterdiń pikirin qýattaı ketti. Osyndaı jazbany basqa da reseılik jáne sheteldik óner juldyzdary jeke paraqshalaryna jarııalap, Sibir turǵyndaryna qoldaý kórsetip jatyr. 

Aıta keteıik, NASA-nyń ǵaryshtan túsirgen sýretterine qarasańyz, taı­ga­daǵy órttiń tútini Qazaqstannyń edáýir bóligine deıin tarap úlgergen. Ási­rese aýadaǵy zııandy gaz Soltústik Qazaq­stan, Shyǵys Qazaqstan, Pavlo­dar, Qa­raǵandy, jáne Almaty oblys­tary­nyń, sondaı-aq Nur-Sultan qalasy aý­ma­ǵynda baıqaldy. 

Jaqsylyq MURATQALI,

«Egemen Qazaqstan»

Sońǵy jańalyqtar

Shabyt shaqyratyn shahar

Elorda • Keshe

Aqjaınaq astana

Elorda • Keshe

Ozyq óndiris ornynda boldy

Aımaqtar • Keshe

Dımash pen Djekson

О́ner • Keshe

Uqsas jańalyqtar