Taılandtyń kásipkerlerimen kezdesý barysynda Elshi Qazaqstannyń Bangkoktaǵy Elshiligi taılandtyq jáne sheteldik kásipkerler úshin ózara árekettesý tizbegin – Elshilikten bastap jergilikti atqarýshy organdarǵa deıin «SIM – sheteldik mekemeler – óńirler» formatynda baǵyttaýshy ról atqaratynyn eske saldy.
Qatysýshylar aýyl sharýashylyǵy, azyq-túlik, jeńil ónerkásip jáne t.b. arnaıy ekonomıkalyq jáne ındýstrıaldy aımaqtar sheńberindegi ınvestısııalyq múmkindiktermen tanystyryldy.
Qazaqstan qazirgi tańda jańa ınvestısııalyq damý kezeńinde jáne kóptegen bıznes múmkindikteri bar memleket bolyp tabylatyndyǵy jáne ınvestısııalyq jobalardyń sheteldik qatysýshylary úshin erekshe jaǵdaılar jasalatyndyǵy týraly aıtyldy.
Kezdesý sońynda taraptar Qazaqstan aımaqtaryna birlesken issaparlardy uıymdastyrýdy jalǵastyrýǵa kelisti. Aǵymdaǵy jyldyń maýsym aıynda taılandtyq kompanııalardyń ókilderi Almatyǵa sapar shegip, áleýetti seriktestermen jáne «Kazakh Invest» UQ» AQ ókilderimen kezdesýler ótkizgeni málim.
