SÝPER LOTO TÝRALY BÁRIN DE BILGIŃIZ KELSE!

Sýper loto Qazaqstandaǵy on-laın rejimdegi alǵashqy lotereıa bolyp tabylady. Búgingi tańda onyń negizgi júlde qory 80 mln. teńgeden asyp túsip, 100 mln. teńgege jaqyndady. Osy oraıda sáttilik hanshaıymymen qalaı dostasýǵa bolatyndyǵy jóninde Kazakhstan Lottery Service kompanııasynyń qoǵammen baılanys departamentiniń dırektory Sadyq EGIZOVPEN áńgimelesken bolatynbyz. – Sadyq myrza, aldymen Kazakhstan Lottery Service kompanııasynyń qyzmeti týraly aıtyp ótseńiz. – Bizdiń kompanııa óz jumysyn 2004 jyly bastaǵan bolatyn. Osy ýaqytqa deıin biz Qazaqstanda on-laın lotereıa ashýǵa talpynys jasap, úlken daıyndyq jumystaryn júrgizdik. Sýper loto oıynyn oınaý prınsıpi tómendegishe bolady. 38 san ishinen kez kelgen 6 sandy tańdaý kerek. “On-laın” termıni bılet satý termınaldarynyń ár bireýi ortalyq málimetter bazasymen baılanysty degendi bildiredi. Bıletti satyp alý kezinde ortalyq málimetter bazasyna onyń qaı jerde, qashan satyp alynǵandyǵy, qandaı sandardyń belgilengendigi týraly aqparat kelip túsedi. Mundaı júıeni qoldaný bıletterdi qoldan jasaý nemese aýystyryp jiberýden saqtaıdy. Búginde Qazaqstan aýmaǵy boıynsha 1000 termınal jumys isteýde jáne bul jobaǵa salynǵan ınvestısııa quny 2,5 mlrd.teńgeni quraıdy. – Osynshama mol qarjynyń quıylýyna qaramastan kóptegen adamdar lotereıaǵa sene bermeıtini belgili. Keıbireýleri mundaıdy alaıaqtyq dep te atap jatady. – Iá, durys aıtasyz. Bir kezderi lotereıanyń túr-túri qaptap ketken bolatyn. Qysqa ýaqyttan soń joǵalyp ketken sol lotereıalar shyndyǵynda da adamdar senimin joǵaltyp aldy. Degenmen Sýper loto uzaq merzimdik joba bolyp tabylady, onyń ústine jobaǵa az aqsha quıylǵan joq. 2,5 mlrd. teńgeniń qarjysyn quıa otyryp, bıznesti tez arada jaýyp tastaý aqylǵa syıymsyz ekenine oqyrmandar kelisedi degen oıdamyn. – Bizge belgili bolǵanyndaı, Kazakhstan Lottery Service Qazaqstannyń basqa aımaqtaryna shyǵýdy josparlaýda eken. Sýper lotonyń qaı qalaǵa qashan keletini týraly naqty jospar bar ma? – Dál qazirgi kúni biz Qazaqstannyń 7 óńirinde jumys isteýdemiz. Bular – Astana, Almaty, Qaraǵandy, Shymkent, О́skemen, Semeı jáne Taraz qalalary. Sáýir aıynan bastap Sýper loto qosymsha 4 qalada, atap aıtsaq, Aqtaý, Atyraý, Aqtóbe, Pavlodar qalalarynda satylymǵa túspek. Atalmysh 4 qalada kompanııanyń óńirlik ókildikteri quryldy. Al mamyr aıynyń basynda qalǵan 4 qala – Petropavl, Qostanaı, Qyzylorda jáne Taldyqorǵanda jumys bastamaq nıettemiz. – Sýper lotonyń júlde qory 80 mln. teńgeni quraıtyndyǵy oınaýshylardyń qyzyǵýshylyǵyn arttyratyn aqparat ekeni sózsiz. Bul aqparat sondaı-aq lotereıa týraly alyp-qashpa áńgimege de tamyzyq bolýda. Mysaly, mundaı kólemdi júlde qory qaıdan paıda boldy degen zańdy suraq týyndaıdy. – Sýper lotoda bılet neǵurlym kóp satylsa, negizgi júlde qory soǵurlym kóbeıe túsedi. Endi jańa óńirlerde satylatyn bolsa, júlde qory odan saıyn óse túspek. Al qazirgi júldeniń somasy bılet satylymynan túsken aqshadan ǵana turmaıdy. Onyń quramynda kompanııanyń 50 mln. teńgeni quraıtyn eń tómengi kepildik somasy da bar. – Eń tómengi kepildik somasy jóninde keńirek toqtalyp ótseńiz. – Júlde qory – Sýper lotodaǵy barlyq satylǵan bıletterdiń 50 paıyzyn quraıdy. 4 jáne 5 sanatty júldeni qospaǵandaǵy jalpy júlde qorynyń 65 paıyzy 1 sanatty júlde, ıaǵnı bas júldeni quraıdy. Basynda satylǵan bılet sany az bolǵandyqtan, júlde qory da soǵan sáıkes az boldy. Sondyqtan satylǵan bıletten bólek kompanııa tarapynan 1 sanatty júldege qosymsha qarjy bóldik. Mine, osy qarjy eń tómengi kepildik somasy dep atalady. – Bul somany qaı ýaqytqa deıin qarjylandyrmaq oılaryńyz bar? – Sýper lotonyń 20 oıynyna deıin qarjy­landyryp otyramyz. Iаǵnı, ústimizdegi jyldyń 17 sáýirine deıin bolady. Eger osy oıynda jeńimpaz anyqtalyp, bas júldeni alatyn bolsa, kelesi oıynnyń djek-poty taǵy da kepildi 50 mln. teńgeni, oǵan qosa satylymnan túsken qarjydan quralady. Sóıtip jańa jeńimpaz anyqtalmaıynsha óse beretin bolady. Sýper lotonyń ereksheligi ári utymdy jaǵy osy. – Sonda Sýper lotony dál qazir satyp alý tıimdi demeksiz ǵoı. – Solaı dep aıtýǵa da bolady. О́ıtkeni, 20 oıynǵa deıin satylǵan bılet qarjysyna kepildi 50 mln. teńge qosylady. Lotereıa Qazaqstannyń barlyq óńirlerinde satylǵan jaǵdaıda bas júlde qory kóbeıe túspek. Amerıka nemese Eýropada adamdardyń júzdegen mıllıon dollar utysqa ıe bolyp jatqanyn estigen bolarsyz. Bul da sol oıyndardyń bir túri. Jýyrda Qazaqstanda da sondaı jańalyqty estıtindikterińizge senimim kámil. – Qańtar aıynda bas júldeni ıelengen eki jeńimpaz anyqtalǵany belgili. Bireýi – Astana, ekinshisi – Shymkent qalasynan. – Bizde 10 mln. teńgeden joǵary júldege ıe bolǵandar sany – 10. 3 oıynda 2 sanat boıynsha 4 jeńimpazymyzdyń árqaısysy 10 405 733 teńge utysqa ıe boldy. Sondaı-aq 6 oıynda 2 adam 1 sanatty utysqa ıe boldy. Olardyń árqaısysy utqan soma kólemi 34 705 331 teńge. Jaqynda biz mıllıonerlerimiz qalaı turatyndyǵy jóninde qyzyǵýshylyq tanytqanbyz. Astanalyq jeńimpazymyz jańa páter satyp alsa, shymkenttik mıllıoner ulyna avtokólik, qyzyna úı satyp alyp beripti. Otbasymen saıahatqa shyǵyp, dema­lyp qaıtypty. Olardyń baqytty júzine qarap oty­ryp, úlken áser aldym. Taǵy da qaıtalap aıtqym kele­di. Sýper lotoda árbir adamnyń mıllıoner bolýǵa múm­kindigi bar. Adam bılettegi sandardy ózi tańdaıdy, bul bizdiń lotereıamyzdyń ádilettiligin taǵy da bir ret dáleldeıdi. – Sadyq myrza, áńgimemizdi qorytyndylasaq. – Lotereıada sandy ózińiz ǵana tańdaısyz, jáne siz olarmen oınaısyz. Bir deńiz. Ekinshiden, satýdyń on-laın basqarý júıesi Sýper lotoǵa senýge bolatyn­dy­ǵyn bildiredi. Úshinshi erekshelik, bul úlken kólemdegi qarjylyq salymdar. Munda Samsung, Kcell, Qazaq­telekom sııaqty joǵary deńgeıli kompanııalar qatysýynyń ózi kóptegen nárseni bildiredi. Sýper lotonyń ustanyp otyrǵan basty saıasaty – “Baqyt syılaý!” Sýper loto bıletin satyp ala oty­ryp, siz baqytty sátterdi kóz aldyńyzǵa ákele alasyz. Eger jeńip jatsańyz quba-qup, osynyń barlyǵy da sizdi shyndyǵynda da baqytqa bóleıtin bolady. – Áńgimeńizge rahmet. Áńgimelesken Venera TÚGELBAI.