HALYQ QAZA BOLǴANDARMEN QOShTASTY

Osydan birer apta buryn Úr­jar aýdanynyń Qaratal jáne Kók­terek aýyldarynyń ara­syn­da, Maqanshy-Baqty tasjolynyń 5-shi shaqyrymynda joǵalyp ket­ken “MI-8” tikushaǵynyń sy­nyq­tary bir táýlikten keıin áreń tabyldy. Úrjar aýdanyndaǵy qatty boran saldarynan apattyń neden bolǵanyn anyqtaý, ”qara jáshikti” taýyp alý qıynǵa soǵyp tur. Taıaýda memlekettik komıssııa músheleri apattyń neden bolǵany jaıly aqparat quraldary ókilderine habar taratty. Bastapqyda tikushaq áýede jarylyp ketken soń onyń synyq­tary 800 metrge deıin shashylǵan degen habardy estidik. Ondaı jaǵdaıda, árıne, adamdar denesin tabý qıynǵa soǵatyny bel­gili. Al Kólik jáne kommýnı­kasııa vıse-mınıstri, memleket­tik komıssııa­nyń tóraǵasy Erkin Dúısembaev jýrnalısterge tik­ushaqtyń apatqa ushyraýyna aýa-raıynyń qolaı­syz bolǵany kináli dep aıtty. ”Ázirshe apat­tyń neden bolǵanyn dál boljaý qıyn. Sebebi, boran tolastar emes, sondyqtan bir aıdan keıin ǵana belgili bolady”, dedi ko­mıssııa tóraǵasy. Shyǵys Qazaqstan oblysy ákiminiń birinshi orynbasary Serik Ábdenovtiń aıtýynsha, apat­tyń sebepteri birneshe baǵyt boı­ynsha anyqtalýda. Bir má­seleni ǵana naqty aıtýǵa bolady, ush­qyshtar V.Stolbovskıı, Iý.Tıý­r­­nıkov, bortmehanık S.Ba­rabanov, dárigerler A.Strel­nık, V.Tıýk­tıaeva óz­gelerdi qutqaramyz dep óz jan­daryn qıdy. Ma­qanshy jáne Blagodarstvennoe aýyldyq ok­rýg­teriniń ákimderi E.Sa­ǵym­bekov pen B.Ibraev tik­ushaqqa jerles­terine qolǵabys jasasaq degen oı­men otyrǵan. Al 17 jasar Q.Qa­lıev qatty syrqat­tan­ǵan soń dá­rigerler ony otyr­ǵy­zyp alyp, aýdan ortaly­ǵyn­da­ǵy aýrýhanaǵa jetkizýdi oı­laǵan. Aqyry segizi birdeı oqysta qaza tapty. Munyń aldynda oblys ákimi B.Saparbaev qaıtys bolǵan­dar­dyń otbasylary men týǵan-týys­taryna kóńil aıtyp, olardy jer­leý jáne otbasylaryna kómek kór­setý jóninde komıssııa qur­ǵan. Qaza tapqandardyń otba­sy­laryna Úkimet qoldaý jasamaq. Ob­lys ákiminiń uıǵarymy boı­ynsha ár otbasyna 1 mıllıon teńgeden kómek kórsetiledi. Sársenbi kúni úsh tikushaq mú­sheleri jáne eki dárigermen qosh­tasý rásimi О́skemendegi “Metal­lýrgter” mádenıet saraıy aldyn­da ótti. Oǵan myńdaǵan qala turǵyndary qatysty. Oblys ákimi B.Saparbaev qaza tapqandardyń týystaryna kóńil aıtyp, olardyń azamattyǵy eshqashan umytyl­maı­­ty­nyn, Elbasy N.Nazarbaev­tyń qaıǵyǵa baılanysty kóńil aıtý jedelhatyn joldaǵanyn, qaza tapqandarǵa qolǵabys ja­saý­ǵa tapsyrma bergenin aıtty. Úr­jar­da da úsh azamatty jerleý rá­si­mine turǵyndar mol jınaldy. Oıdy oı qozǵaıdy. Tikushaq­pen ushý shynynda da qaýipti me? Oblystyq tótenshe jaǵdaılar jó­nindegi departament qarama­ǵynda birneshe ”MI” tikushaq­tary, so­syn bir-eki jeke menshik kompa­nııa­da shaǵyn tikushaqtar bar kó­ri­nedi. Olardyń birazy es­kir­gen, qan­sha sylap-syıpasa da qaý­ipti. En­deshe, áýe parkin ja­ńa­lap, qa­zirgi jetildirilgen jańa tik­ushaq­tardyń aýa raıy óte qolaısyz, qys­ta borannan kóz jazbaıtyn Ken­di Altaıǵa kóbirek bólse degen oı bar. Ras, jaqynda Úkimet ob­lysqa 1 mıllıard 200 mln. teńge bóldi. Ekinshi másele, bı­ylǵy uzaq ári qatal qysta qa­jetti tehnı­ka­lardyń jetispeıtini dáleldendi. Jaqynda Ońtústik Qazaqstan jáne Pavlodar ob­lys­tarynan bir­neshe tehnıka kó­mek­ke keldi. Ol úshin syn sátte qol­da­ryn sozǵan oblys basshyla­ryna alǵystan basqa aıtarymyz joq. Ońdasyn ELÝBAI, Shyǵys Qazaqstan oblysy.