Qazirgi tańda ekologııalyq bekette 10 ınspektor qyzmet etedi. Al demalys ornyna jumys kúnderi 200 demalýshy kelse, senbi men jeksenbi kúni olardyń qatary 6 esege biraq artady eken. Tólem jasaý turǵysynda stýdentterge, zeınetkerlerge, mektepke deıingi jastaǵy balalarǵa jeńildikter bar. Tek, múmkindigi shekteýli azamattar aqysyz kire alady.
Byltyr bul taý bókterine 120 myń demalýshy kelip, bekettegi baqylaýshylarǵa 52 mln teńge tólegen.
«Máselen ber jaǵynan bizdiń týrıstik súrleý jolyn qoldanatyndar bolsa, ol 452 teńge 50 tıyn bolady. Eger ol qoldanbaı kafe, meıramhanadan Taý-spadan qaıtatyn bolsa, 252 tıyn 50 tıynnan bolady. Sonyń bárin surap halyqtan solaı jiberemiz», dedi Ile-Alataý memlekettik ulttyq tabıǵı parkiniń ınspektory Qaıyrjan Jylqybaev.
Bul qolma-qol tólem osy tamyz aıynda toqtatylyp, elektrondy formatqa kóshý kerek bolatyn. Qala ákimi Baqytjan Saǵyntaev jumys sapary barysynda osyndaı tapsyrma bergen edi. Alaıda ekologııalyq beket avtomattandyrylǵan júıege kóshýge áli asyǵar emes.
«Bul áńgimeni ulttyq park 2010 jyldan beri qozǵap kele jatyr. Biraq ókinishke oraı bul júıeni engizý kishkene qıyndyqtar týdyrdy. Nege deseńiz, óıtkeni mysaly qazir áýejaıǵa baratyn bolsaq, Almaty qalasyna kirý júıesi óte ońaı jasalǵan. Ol jerde sebebi ár kólik basynan alynady. Al ol úshin bizge de budan bylaı kólik emes, adam sanyn esepteý kerek», dedi Ile-Alataý memlekettik ulttyq tabıǵı parki ekologııalyq aǵartý jáne týrızm bóliminiń basshysy Tilek Ádiljanov.
Ázirge tek eki termınal ornatylǵanymen áli iske qosylmaǵan. Odan bólek, «Ońaı» tólem kartalary arqyly tóleý múmkindigi jasalýy tıis. Bul – kóleńkeli aqsha aýdarymdaryna tosqaýyl bolmaq.
«400 teńgeden alatyn adam basyna. Jaz jylyna bir-aq márte keledi. Sondyqtan jylyna bir ret shyǵyp demalý úshin ol qymbat emes», dedi bir turǵyn.
Byltyr bul taý bókterine 120 myń demalýshy kelipti. Olar demalys ornyna kirgeni úshin bekettegi baqylaýshylarǵa 52 mln teńge tólegen.
ALMATY
