Eldiń Densaýlyq saqtaý mınıstrliginen málim etkendeı, zardap shekkenderdiń arasynda Shý oblystyq Ishki ister bas basqarmasynyń basshysy Samat Qurmanqulov bar. Oǵan «bassúıek-mıynyń jabyq jaraqaty, mıdyń shaıqalýy, sondaı-aq aýyr dárejedegi mıdyń qatty soǵylýy» dıagnozdary qoıylyp otyr. Ota jasaldy (bas súıekti trepanasııalaý).
Dárigerler onyń operasııadan keıingi halin «asa aýyr» dep baǵalaýda. Qazirgi tańda jansaqtaý bóliminde jatyr. О́zge zardap shekkenderdiń arasynda 22 adamǵa «jabyq bassúıek-mıynyń jaraqaty, bas mıynyń shaıqalýy» dıagnozdary qoıylǵan, 13 adamǵa rezeńke oq tıgen, 2-ýiniń denesiniń ár jerine zaqym tıgen, 4 adamǵa oq tıgen, taǵy 4-eýi denesine soqqy alǵan. Olardyń ishinen 1 zardap shegýshi ambýlatorlyq emdelýge jiberildi, jaraqat alǵan arnaıy jasaqtyń 1 sarbazy keýde qýysyna tıgen oqtan ota kezinde kóz jumdy. Qazirgi tańda 43 adam stasıonarlyq em qabyldaýda. Qyrǵyz Respýblıkasy IIM baspasóz qyzmetinen málim etkendeı, mılısııa halyqpen soqtyǵysyp qalmaý úshin Qoı-Tash aýylynan ketip qalǵan. Dál qazir mılısııa shtattyq rejimde jumys jasap, qoǵamdyq tártiptiń saqtalýyn jáne azamattardyń qaýipsizdigin qamtamasyz etip otyr.
Málim etilgendeı, quqyqqorǵaý organdary tarapynan azamattarǵa qatysty atys qarýy qoldanylǵan joq. Qarý A.Atambaevtyń úıi tarapynan atylǵan. Qyrǵyz Respýblıkasy Jogorký Keneshiniń baspasóz hatshysy Ibraım Nurakýnulynyń málimetinshe, Qyrǵyzstan Parlamenti kezekten tys otyrys ótkizedi. Ol eldiń burynǵy prezıdenti Almazbek Atambaevty ustaý boıynsha arnaıy operasııaǵa baılanysty Jogorký Keneshtiń kezekten tys otyrysyn ótkizý jóninde parlament spıkeri Dastanbek Jumabekovpen sóıleskenin atap ótti. Eske salaıyq, keshe A.Atambaevtyń Qoı-Tash aýylyndaǵy úıde atys bolyp, Shý oblystyq IIBB-niń jedel tergeý toby mılısııaǵa túsken qońyraý boıynsha oqıǵa ornyna attandy.
Aıta ketsek, buǵan deıin Jogorký Kenesh eldiń eks-prezıdentinen qol suqpaýshylyq mártebesin alyp tastaý týraly sheshim qabyldaǵan bolatyn. Atambaevqa qatysty depýtattar tarapynan taǵylǵan aıyptardy zertteý boıynsha arnaıy depýtattyq komıssııa quryldy. Komıssııa jumysynyń nátıjesinde oǵan 6 epızod boıynsha aıyp taǵý sheshimi qabyldandy.
Alaıda Bas prokýratýra komıssııanyń jumysyn zań turǵysynan baǵalaı kele, tek bes epızodty qaldyrdy. Arnaıy operasııa barysynda oqıǵa ornyna Shý oblysynan jedel járdemniń - 5, Bishkektiń 3 brıgadasy attandy.
