Bul – turaqtylyq pen qaýipsizdik úshin qajet
Seısenbi, 9 sáýir 2013 2:07
Qazaqstan Respýblıkasynyń Syrtqy ister mınıstrligi resmı málimdeme taratty
5-6 sáýirde Almaty qalasynda Irannyń ıadrolyq baǵdarlamasy boıynsha E3+3 (Ulybrıtanııa, Germanııa, Qytaı, Reseı, AQSh, Fransııa) pen Iran arasynda kelissózderdiń kezekti raýndy bolyp ótkeni belgili.
Seısenbi, 9 sáýir 2013 2:07
Qazaqstan Respýblıkasynyń Syrtqy ister mınıstrligi resmı málimdeme taratty
5-6 sáýirde Almaty qalasynda Irannyń ıadrolyq baǵdarlamasy boıynsha E3+3 (Ulybrıtanııa, Germanııa, Qytaı, Reseı, AQSh, Fransııa) pen Iran arasynda kelissózderdiń kezekti raýndy bolyp ótkeni belgili.
Almaty kezdesýiniń qorytyndysy boıynsha taraptar ótken kezdesýge ózderiniń baǵalaryn bergen resmı málimdemeler jasady. Baǵalaýlar ártúrli bolǵanymen, kelissózderge qatysýshylar, tutastaı alǵanda, kelissózder úderisterin jalǵastyrýǵa qatysty optımıstik kóńil kúı tanytty.
Irannyń ıadrolyq baǵdarlamasy boıynsha máseleni sheshý jahandyq turaqtylyq pen qaýipsizdik úshin mańyzdy ról atqarady. Halyqaralyq qoǵamdastyq úshin osyndaı kúrdeli jáne mańyzdy kelissózderde taraptardyń ustanymdaryn jaqyndatý uzaq ýaqytty talap etedi. Almaty kezdesýleriniń oń qorytyndysy kelissózder úderisin jalǵastyrý týraly ýaǵdalastyqqa qol jetkizilýi boldy.
Qazaqstan Respýblıkasy kelissóz taraby bolyp tabylmaıdy jáne olarǵa tikeleı qatyspaıdy. Biraq Qazaqstan taraptardyń Irannyń ıadrolyq baǵdarlamasy boıynsha kelissózderdi jalǵastyrý nıetin qýattaıdy jáne taraptar ózara tıimdi sheshimge kele alady degen úmit bildiredi.
Qazaqstan ıadrolyq taratpaýdyń dáıekti jaqtasy bolyp keldi jáne solaı bolyp qala beredi. Jáne bizdiń elimiz ári qaraı da Irannyń ıadrolyq baǵdarlamasy tóńiregindegi jaǵdaıdy dıplomatııalyq quraldarmen retteýge barynsha yqpal etýge daıyn. Bul – óńirdegi jáne álemdegi turaqtylyq pen qaýipsizdik úshin qajet.
Qazaqstan sondaı-aq, kelissózderdiń atalǵan raýndyna qatysqan barlyq taraptar delegasııalarynyń kezdesýler joǵary deńgeıde ótti jáne uıymdastyryldy degen joǵary baǵalaryna óziniń rızashylyǵyn bildiredi, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti.
