«Birlik» partııasy quryldy
Senbi, 27 sáýir 2013 3:12
Bul «Rýhanııat» jáne «Ádilet» partııalarynyń birigýi nátıjesinde júzege asty
Qoǵamnyń damý úderisinde partııalardyń qurylýy men taralýy zańdylyq. Al Qazaqstan táýelsizdik alǵan tusta óz jolyn tańdap, jarqyn bastamalardy júzege asyra bastady. Osy isterdi júıeli uıymdastyrý úshin belgili bir partııalardyń yqpaly qajet boldy. Sóıtip, kópshilik daýysymen partııalar quryldy. Olar memleketimiz damýyna yqpal etetin baǵdarlamalardyń órken jaıýyna birlesip kiristi. Al keıbir jekelegen partııalar ýaqyt óte kele birigip, elimizdiń áleýmettik-ekonomıkalyq damýyna úles qosty. Naqty aıtqanda, azamattyq qoǵam belsendiliginiń arta túsýi, onyń mańyzy men róli kún ótken saıyn jańa qyrynan kórinip, tepe-teńdik zańdylyǵyn buzǵan joq.
Senbi, 27 sáýir 2013 3:12
Bul «Rýhanııat» jáne «Ádilet» partııalarynyń birigýi nátıjesinde júzege asty
Qoǵamnyń damý úderisinde partııalardyń qurylýy men taralýy zańdylyq. Al Qazaqstan táýelsizdik alǵan tusta óz jolyn tańdap, jarqyn bastamalardy júzege asyra bastady. Osy isterdi júıeli uıymdastyrý úshin belgili bir partııalardyń yqpaly qajet boldy. Sóıtip, kópshilik daýysymen partııalar quryldy. Olar memleketimiz damýyna yqpal etetin baǵdarlamalardyń órken jaıýyna birlesip kiristi. Al keıbir jekelegen partııalar ýaqyt óte kele birigip, elimizdiń áleýmettik-ekonomıkalyq damýyna úles qosty. Naqty aıtqanda, azamattyq qoǵam belsendiliginiń arta túsýi, onyń mańyzy men róli kún ótken saıyn jańa qyrynan kórinip, tepe-teńdik zańdylyǵyn buzǵan joq.
Bul oraıda úkimettik emes sektordyń da úlesi basym boldy. Al negizinen múddeles partııalar eldi serpindi jańǵyrtý ıdeıasyn qoldaı otyryp, mynadaı basym baǵytty ustandy. Qazaqstannyń Tuńǵysh Prezıdenti – Elbasy Nursultan Nazarbaevtyń baǵyty aıasyna jalpyulttyq toptasýdyń ıdeıalyq jáne uıymdastyrýshylyq negizin nyǵaıtý; qazaqstandyq qoǵamnyń negizgi qundylyqtaryn odan ári damytý; memlekettik basqarý júıesiniń sapasyn arttyrý. Mine, alǵa ustanǵan negizgi tuǵyrlar osyndaı. Eń bastysy, Qazaqstannyń 2020 jylǵa deıingi damý strategııasyn tıimdi iske asyrý qajet. Osy mıssııanyń oıdaǵydaı iske asýy úshin partııalar múshesiniń belsendiligi erekshe ról atqarady. Alda munan da ózge san alýan mindetter tur. Kóp birikse, alynbaıtyn qamal joq demekshi, keshe ǵana «Rýhanııat» pen «Ádilettiń» birigip, jańa «Birlik» partııasy aıasyna toptasýy bizdiń el alǵa qoıǵan mindetterdi oryndaý maqsatynan týyndap otyrǵan jaıt ekeni anyq. Buryn «Ádilet» partııasynda 70 myń, al «Rýhanııat» partııasynda 72 myń múshe bolǵan eken. Endi eki partııa birigý arqyly olardyń qatary eki esedeı artty. Keshe «Rýhanııat» partııasy ótkizgen kezekten tys sezde osyǵan ekpin berilip, ortaq isti birlesip atqarýǵa ýaǵdalasyldy.
Sonymen, «Birlik» partııasynyń tóraǵasy bolyp Serik Sultanǵalı saılandy. Kópshiliktiń senimine ıe bolǵan S.Sultanǵalı jyly lebizin bildirip, alda turǵan mindetterdi málimdedi: «Jańadan qurylǵan «Birlik» partııasy aldymen buqara qamyn oılaıdy. Sonyń ishinde jastar máselesi men eldi mekendegi tirshilikti nazardan qaǵys qaldyrmaımyz. Al quqyqtyq tártipti qadaǵalaýda bizdiń partııa quramyndaǵy múshelerdiń biliktiligi jetedi. Demek, biz árbir isti óz dárejesinde oryndaıtyn bolamyz», dedi ol.
Jańa partııa quryldy. Osyǵan baılanysty belgili azamattardyń pikirin surap bilgen edik.
Bolat Sultanov, Prezıdent janyndaǵy Qazaqstan strategııalyq zertteýler ınstıtýtynyń dırektory: «Ádilet» jáne «Rýhanııat» partııalar jańadan qolǵa alatyn isterin utymdy júzege asyrý maqsatynda birigip otyr. Bul óz kezeginde saılaý naýqanynda aıryqsha sıpatqa ıe bolady. Sondyqtan olardyń qaıta qurylymdalýy zańdylyq. Eń bastysy, Memleket basshysy alǵa qoıǵan mindetterdi sátti oryndap shyǵý maqsatyn kózdeıdi.
Kamal Burhanov, Parlament Májilisiniń depýtaty: El táýelsizdiginiń jarqyn belesinde qolǵa alynǵan isterdi kóptep aıtýǵa bolady. Sonyń bárinde halqymyzdyń úlesi mol. Alda munan da úlken jumystar tur. Ekonomıkamyzdy ártaraptandyrý, óndiris oryndary aıasyn keńeıtý, mine, bizdiń negizgi mindetterimiz osyndaı. Osy isterdi júıeli atqarýda elimizdegi partııalardyń da úlesi mol bolmaq. Sondyqtan, kúsh biriktirip «Birlik» partııasynyń aıasyna toptasqan burynǵy «Ádilet» pen «Rýhanııattyń» bul qadamy óte oryndy dep bilemin. Esterińizde bolsa, Parlament saılaýynda eki partııa da daýys jınaı almaǵan edi. Endi olar ortaq maqsattaryn birlesip júzege asyrady.
Qazir dúnıe júzindegi daǵdarys kimdi de bolsa oılantpaı qoımaıdy. Bizdiń Elbasy osynyń aldyn alý úshin batyl qadamdarǵa baryp, birqatar isterdiń sátti oryndalýyna bastamashy boldy. Sondyqtan da josparlanǵan jumystardy odan ári sátti jalǵastyrý úshin bizdiń barlyǵymyzǵa uıymshyldyq qajet. Ol birlik eldiń áleýmettik-ekonomıkalyq ahýalyn jaqsartýǵa birden-bir yqpal jasaıdy.
Botakóz Raqysheva, «Sessı-Qazaqstan» áleýmettik-saıası zertteýler ınstıtýtynyń dırektory: Bizdiń elimiz alǵa jyljyǵan saıyn onyń kúndelikti ómirinde tyń jańalyqtar bolyp jatyr. Máselen, keshe ǵana «Ádilet» pen «Rýhanııattyń» birigýi elimiz tarıhyndaǵy eleýli oqıǵa boldy. Jalpy, demokratııasy damyǵan memleketterde ortaq isti partııalar birlese atqarýdy kózdeıdi. Osy turǵydan alǵanda, jańadan qurylǵan «Birlik» partııasynyń aldynda úlken mindetter tur. Ol – el damýynyń basym baǵytyn kózdeıtin baǵdarlamalardy aıaǵyna deıin jetkizý, ulttyq birliktiń berik dińgegin shaıqaltpaý. Jalpy, turaqtylyq, tatýlyq, toptasqandyq qoǵamǵa qaı kezde de kerek. Ásirese, qazirgideı daǵdarys synynda «bir jaǵadan bas, bir jeńnen qol shyǵarǵan» lázim. Osyndaı jaýapty kezeńde árbir qazaqstandyqtyń qasterli qundylyqtardy qorǵaýy irgeli tabystarǵa jeteleıdi. Bul rette, kópshilik búgingi bıiktikke op-ońaı jetpegenimizdi eskergeni jón. Ol Elbasynyń syndarly saıasatynyń arqasynda sátti júzege asyryldy. Sol baǵa jetpes ıgilikti elimiz partııalary qadirleı de qasterleı bilýleri tıis.
Ámirhan ALMAǴANBETOV,
«Egemen Qazaqstan».
