Jumys tobynyń úshinshi otyrysy
Beısenbi, 16 mamyr 2013 2:12
Keshe «Nur Otan» halyqtyq-demokratııalyq partııasynyń Ortalyq apparatynda partııanyń jańa saıası Doktrınasyn ázirleý jónindegi jumys tobynyń úshinshi otyrysy bolyp ótti.
Bul qujat Elbasy, «Nur Otan» HDP Tóraǵasy Nursultan Nazarbaevtyń tapsyrmasy boıynsha ázirlenýde. Osynyń aldynda bolǵan eki otyrysta Doktrına jobasyn jetildirýge baǵyttalǵan birqatar usynystar túsken edi. Odan basqa jazbasha usynystar da kóptep túsipti.
Beısenbi, 16 mamyr 2013 2:12
Keshe «Nur Otan» halyqtyq-demokratııalyq partııasynyń Ortalyq apparatynda partııanyń jańa saıası Doktrınasyn ázirleý jónindegi jumys tobynyń úshinshi otyrysy bolyp ótti.
Bul qujat Elbasy, «Nur Otan» HDP Tóraǵasy Nursultan Nazarbaevtyń tapsyrmasy boıynsha ázirlenýde. Osynyń aldynda bolǵan eki otyrysta Doktrına jobasyn jetildirýge baǵyttalǵan birqatar usynystar túsken edi. Odan basqa jazbasha usynystar da kóptep túsipti.
Úshinshi otyrysty ashqan partııa tóraǵasynyń birinshi orynbasary Baýyrjan Baıbek búginge deıin istelip jatqan jumystar jóninde qysqasha aıtyp ótti. Elbasynyń tapsyrmasymen óńirlerge shyqqan saparymda túrli eńbek ujymdaryndaǵy jáne bastaýysh partııa uıymdaryndaǵy kezdesýlerde azamattarmen Doktrınanyń basty baǵyttaryn talqylap, olardyń oı-pikirlerin bildim. Jalpy, qujat jobasy partııa músheleriniń qoldaýyna ıe bolyp otyrǵanyn kózimmen kórdim, dedi ol.
Endi Doktrına jobasy keńeıtilgen talqylaýǵa shyǵarylatyny málim bolyp otyr. Meniń oıymsha, bul joba sapasy óte joǵary, jan-jaqty oılastyrylǵan mańyzdy qujat, dep oıyn jalǵastyrdy B.Baıbek. Odan ári Doktrınany jetildirýge baǵyttalǵan paıdaly usynystar bergen jumys toby múshelerine alǵysyn bildirdi. Sonymen birge, óziniń sózinde jańa saıası Doktrına jobasynda «Nur Otan» partııasynyń ıdeologııalyq tuǵyrnamasy barynsha naqtylanyp, basty murattar men basymdyqtar, sondaı-aq Elbasynyń «Qazaqstan-2050» Strategııasyn iske asyrýdaǵy róli aıqyndalatynyn aıtyp ótti.
Qazaqstannyń HHI ǵasyrdaǵy turaqty damýynyń birden-bir kepili, eń aldymen, qoǵamda mádenı-rýhanı qundylyqtardy qalyptastyrý bolyp tabylatynyn Elbasy árdaıym aıtyp otyrady. Sondyqtan osy máselege Doktrınada aıryqsha kóńil bólinedi, dedi B.Baıbek.
Biz Doktrına jobasy jóninde Májilis depýtaty, kórnekti memleket jáne qoǵam qaıratkeri Qýanysh Sultanovtyń pikirin bilgen edik. Barlyq saıası kúshterdiń baǵdarlamasy bolady, al Doktrına – baǵdarlamanyń barynsha naqtylanǵan tujyrymdamasy deýge turarlyq basty qujat. Buǵan deıin de «Nur Otan» óziniń Doktrınasyn qabyldaǵan. Al jańa saıası Doktrınanyń olardan ereksheligi sol – bul qujat Elbasy N.Nazarbaevtyń «Qazaqstan-2050» Strategııasymen tyǵyz baılanysty. Sol strategııany iske asyrý barysynda halyqty jumyldyrý, sanaly túrde uıymdasý joldaryna qol jetkizý máseleleri osy qujatta qarastyrylady. Osy maqsattardy iske asyrý jolynda qandaı mańyzdy sharalar atqarylady, mine, osynyń bári Doktrınada qamtylatyn bolady, dedi depýtat.
Doktrına jobasyn ázirleý jónindegi jumys tobynyń bir múshesi «Baýyrjan» qaıyrymdylyq qorynyń tóraıymy Juldyz Omarbekova da óz pikirin bildirdi. Doktrınanyń maǵan aıryqsha unaıtyn jeri – onda ulttyq salt-dástúrlerimiz sııaqty qundylyqtarymyzdy joǵaltpaý jáne olardy jandandyrý máselesi aıryqsha atap kórsetilgen. Olardy áleýmettik ınstıtýt retinde saqtaý kerektigine kóńil bólingen. Mundaıdy eskergen qujattyń bolashaǵy zor bolady dep senemin, dedi ol.
Doktrına partııanyń kezekti sezinde qabyldanady dep josparlanyp otyr.
Jaqsybaı SAMRAT,
«Egemen Qazaqstan».
