Eki komanda arasyndaǵy kezdesý 13 tamyzda Estonııanyń Tallın qalasynda ótti. Match 4:1 esebimen shymkenttik komandanyń jeńisimen aıaqtaldy. Qazaqstandyq komandanyń qatarynan Mısozı Zýlý, Ekaterına Babshýk, Reıchel Kýndanandjı jáne Marııa Ilıch mergendigimen kózge tústi. Al qarsylas komandanyń tarapynan Vera Saastomoınen bir gol soqty.
Irikteý kezeńiniń úsh oıynynda jeńiske jetken «BIIK-Qazyǵurt» toptan birinshi orynmen shyǵyp, týrnırdiń 1/16 fınalyna joldama aldy. Kelesi aınalymnyń jerebe tartý rásimi Shveısarııanyń Non qalasynda 16 tamyzda ótedi.
2016 jáne 2017 jyldary «BIIK-Qazyǵurt» Chempıondar lıgasynyń 1/8 fınalyna deıin jetken bolatyn. Bul qazaqstandyq komandanyń eń úzdik nátıjesi. Byltyr Shymkent komandasy básekeniń 1/16 fınalynda Ispanııanyń «Barselona» klýbymen kezdesip, eki oıyn qorytyndysy boıynsha 3:4 (3:1, 0:3) esebimen ese jibergen bolatyn.
