Rýhanı sapardyń maqsaty – Qazaqstan Respýblıkasynyń Tuńǵysh Prezıdenti, Elbasy Nursultan Nazarbaevtyń tapsyrmasy aıasynda «Rýhanı jańǵyrý» baǵdarlamasy men «Uly dalanyń jeti qyry» baǵdarlamalyq maqalasynyń mańyzdylyǵy men ózektiligin jan-jaqty dəripteý. Abaı Qunanbaıulynyń júrip ótken jerleri arqyly Uly aqynnyń mol murasyn elge pash etý. О́lketaný jumystaryn jandandyrýǵa atsalysý. Uly dalanyń rýhanı qazynalaryn nasıhattaý arqyly halyqty tutastyqqa, birlikke shaqyrý.
16-19 tamyz aralyǵynda bir top tarıhshy-ǵalymdar, qoǵam qaıratkerleri, abaıtanýshylar men jýrnalıst-blogerden quralǵan ekspedısııa Nur-Sultan qalasynan bastap Qarqaraly – Abyraly – Qaınar – Qaraýyl – Semeı – Pavlodar baǵytymen júrip ótpek.
– Hákim Abaıdyń 175 jyldyǵyna oraı «Rýhanııat» ortalyǵy danyshpan babamyz dúnıege kelgen osy tamyz aıynda birqatar is-sharalardy uıymdastyryp keledi. «Adamzattyń Abaıy» atty festıval aıasynda 8-31 tamyz aralyǵynda birqatar sharalar ótedi dep josparlanǵan. Sonyń biri – «Uly Abaıdyń izimen...» atty rýhanı sapar. О́skeleń urpaqtyń boıyndaǵy ulttyq ımmýnıtetti kóterip, jastardyń sanasyna úlgi tutar tulǵany qalyptastyrý jáne eń bastysy ulttyq bolmysty jańǵyrtýda mundaı biregeı sharalardyń qolǵa alynǵany elimiz úshin paıdaly, deıdi «Rýhanııat» KMM basshysy Erjan Eńsebaı.
