Saılaýdy ótkizý máseleleri talqylandy
Senbi, 15 maýsym 2013 1:08
Bıylǵy jyldyń tamyz aıynda alǵash ret ótkeli otyrǵan aýdandyq mańyzy bar qalalar, aýyldyq okrýgter, aýyldyq okrýgtiń quramyna kirmeıtin kentter men aýyldar ákimderiniń saılaýy eldiń qoǵamdyq-saıası ómirindegi eleýli oqıǵa bolǵaly tur.
Senbi, 15 maýsym 2013 1:08
Bıylǵy jyldyń tamyz aıynda alǵash ret ótkeli otyrǵan aýdandyq mańyzy bar qalalar, aýyldyq okrýgter, aýyldyq okrýgtiń quramyna kirmeıtin kentter men aýyldar ákimderiniń saılaýy eldiń qoǵamdyq-saıası ómirindegi eleýli oqıǵa bolǵaly tur.
Sondyqtan ony biliktilikpen uıymdastyrýǵa baılanysty sharalar bul kúnde óńirlerde jan-jaqty júrgizilý ústinde. Keshe Qaraǵandyda aýdan, qala ákimderi, aýdandyq, qalalyq máslıhattardyń hatshylary, aýdandyq, qalalyq saılaý komıssııalarynyń tóraǵalary men hatshylary, oblystyq saılaý komıssııasynyń músheleri, quqyq qorǵaý, salyq organdary ókilderiniń qatysýymen ótken semınar-keńes osy máselege arnaldy.
Bul basqosýǵa Ortalyq saılaý komıssııasynyń tóraǵasy Qýandyq Turǵanqulov kelip qatysty. Ony oblys ákimi Baýyrjan Ábdishev ashyp, aımaqtaǵy daıyndyq jumystarymen tanystyrdy. Jınalǵandar aldynda Qýandyq Turǵanqulov sóz sóılep, atalǵan deńgeıdegi saılaýdyń mańyzyna toqtaldy. Sondaı-aq uıymdastyrylýy men ótkizilýi talapqa saı bolý úshin barlyq býynnyń ortaq maqsattaǵy birlesken qımyly men joǵary jaýapkershiligi qajettiligin atady. Aýyldyq okrýgter men shaǵyn kentter ákimderin saılaý naýqanynyń ashyqtyq jaǵdaıynda bolýyna jáne taza ótýine barynsha múmkindik jasalýy qajettigine basa nazar aýdartty.
Semınar-keńeste Ortsaılaýkom basshysy aldaǵy saılaý naýqany barysynda barlyǵy aýyldyq okrýg quramyna kirmeıtin Qazaqstan Respýblıkasynyń aýdandyq mańyzy bar qalalarynyń, aýyldyq okrýgteriniń, kentteri men aýyldarynyń 2458 ákimi, ıaǵnı eldegi barlyq ákimderdiń jalpy sanynyń 91,5%-y saılanatynyn atap ótti. Saılaý ótkizýge tikeleı 160 aýdandyq jáne 28 qalalyq aýmaqtyq saılaý komıssııasy qatysady. Olardaǵy saılaý komıssııalary músheleriniń sany 1316 adamdy quraıdy. Saılaý naýqanynda tańdaýshylar retinde 188 máslıhattan 2602 depýtat qatysady. Ákimdikke kandıdattar usynýdy aýdan ákimi jergilikti qoǵamdastyqpen konsýltasııalardan keıin balama negizde júzege asyrady. Osy konsýltasııalardy júrgizý tártibi qaǵıdalarda kórsetilmeıdi.
Búginde úmitkerlerdiń ómirbaıany men eńbek joly jurtshylyqqa tanystyrylýda.Olar árqaısysyn jaqsy bilýleri, durys tańdaý jasaı alýlary kerek. Bul baǵyttaǵy is-sharalar taǵy da osyndaı jıyndar arqyly shıratyla túsedi. Saılaýlar ótkizý jóninde uıymdastyrýshylyq qabileti men tájirıbesi mol Erqara Aımaǵambetov jetekshilik etetin oblystyq saılaý komıssııasy osy joly júktelgen mindet bıiginen kórinetindigine senim bildirildi.
Tamyz aıynyń basynda ótetin saılaýǵa jergilikti jurtshylyq yqylasy kúnnen-kúnge ósip otyr.
Aıqyn NESIPBAI,
«Egemen Qazaqstan».
QARAǴANDY.
