Aımaqtar • 20 Tamyz, 2019

Áleýmettik nysandar qurylysyn aıaqtady

18 ret kórsetildi

«Samuryq-Qazyna» UÁQ» AQ Arys qalasyndaǵy 68 áleý­mettik ınfraqurylym nysanyn qalpyna keltirýdi aıaqtady. Onyń ishinde 64 nysan jóndelip, 4-eýi buzylyp, qaıta tur­ǵyzyldy.

Búgingi tańda 56 nysan paı­dalanýǵa berildi, 8 nysannyń jóndeý jumystary 20 tamyzǵa deıin aıaqtalady. Qaıta qalpyna keltirilgen 4 nysan qyrkúıek-qazan aılarynda paıdalanýǵa beriledi. Onyń qatarynda jedel járdem, stomatologııalyq bólimder, balalar men jasós­pi­rimder sport mektebi jáne bala­baqsha bar.

«Biz nysandardyń jaǵdaıyn baǵalaý kezinde ony qalpyna keltirýmen shektelip qalmaı, ǵımarattardy jaqsartý týraly sheshimge keldik. Barlyq mektep jıhazben jabdyqtalyp, aǵash terezeleri plastıkalyq terezelermen aýystyryldy, eski fýtbol alańynyń ornyna jańa alań salyndy jáne mektepke arnalǵan jańa jıhaz alyndy», deıdi «Samruk Kazyna Construction» AQ basqarma tóraǵasynyń birinshi orynbasary Arman Jetpisbaı.

Aıta ketý kerek, 1 shildede qor qıraǵan áleýmettik nysan­dardy – 6 balabaqshany, 16 mek­tepti, 1 kolledjdi, 30 jeke menshik balabaqshany, 8 den­saýlyq saqtaý nysanyn, 4 sport nysanyn, temirjol vokzalyn, Dańq alańy men or­talyq alańdy jóndeýdi bastaǵan bolatyn.

«Temir jol vokzalynyń ǵımaraty 1904 jyly salynǵan. Osy ýaqytqa deıin onda jóndeý jumystary tek 5 ret júrgizilse, sońǵy ret 2004 jyly jóndelgen. Sondyqtan jobalaý jáne jóndeý jumystary tıisti lısenzııasy bar kompanııamen birlesip júzege asyrylyp jatyr. Ǵımaratty bastapqy qalpynda saqtaý úshin barlyq sharalar qoldanylady», dedi A.Jetpisbaı.

Jalpy, «Samuryq-Qazyna» Arys qalasyndaǵy qalpyna keltirý jáne qurylys jumys­tary­na 7 mlrd teńge bóldi. Nysan­­darda shatyrlardy, tere­ze­lerdi, esikter men edenderdi
aýystyrý men árleý syndy negizgi jumys atqaryldy.

13 shil­dede «Samuryq-Qa­zyna» UÁQ» AQ basqarma tóraǵasy Ah­met­­jan Esimov Arys jáne Túrkis­­tan qalalarynda boldy. Qurylys jumystarynyń barysymen tanysqan qor basshysy jumysty josparǵa sáıkes ýaqtyly júrgizýdi tapsyrdy. Qazaqstan Prezıdenti Q.Toqaev pen Úkimet tapsyrmasy bo­ıynsha qor Arysty qalpyna keltirýge belsene qatysty.

 

Túrkistan oblysy

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar