Aımaqtar • 20 Tamyz, 2019

QMG Sıfrlyq transformasııa baǵdarlamasynyń Jol kartasy maquldandy

45 ret kórsetildi

16 tamyzda «QazMunaıGaz» UQ AQ Basqarma tóraǵasy Alık Aıdarbaevtyń tóraǵalyǵymen ótken Transformasııa jáne jańǵyrtý jónindegi keńestiń kezekti otyrysynda QMG sıfrlyq transformasııa baǵdarlamasynyń 2019 – 2024 jyldarǵa arnalǵan Jol kartasy maquldandy. Bul týraly atalmysh kompanııanyń jurtshylyqpen baılanys departamenti habarlady.

Jol kartasy QMG sıfrlyq transformasııa baǵdarlamasynyń  qorjynyna kirgen jobalar men sharalardy iske asyrý josparynyń merzimderdi men túıindi kórsetkishterin naqtylaıdy. Sondaı-aq kartada árbir jobanyń nemese sharanyń belgilengen merzimde sapaly aıaqtalýy úshin jeke jaýapkershilik júktelgen «QazMunaıGaz» top-menedjerleriniń tizimi bekitildi.

Eske sala keteıik, Baǵdarlamaǵa 14 joba men 14 shara engizilgen. Olar óndiristik qaýipsizdikti qamtamasyz etý, joǵary ónimdilik mádenıeti, korporatıvtik jáne óndiristik bıznes-prosesterdiń reınjınırıngi, bızneske arnalǵan satyp alýlar men sıfrlyq sheshimderdiń jańa úlgisin engizý sııaqty transformasııalyq bastamalardy iske asyrýǵa baǵyttalǵan.

Sondaı-aq, keńeste buǵan deıin ótken jınalystarda berilgen hattamalyq tapsyrmalardyń oryndalý barysy, jalpy Baǵdarlamany oryndaý barysy qaraldy. Atap aıtqanda, «Intellektýaldy ken orny» jáne «Negizgi bıznes-fýnksııalardy transformasııalaý jáne ERP engizý» jobalaryn iske asyrýdyń aǵymdaǵy máseleleri talqylandy. Budan basqa, «QMG munaı óńdeý zaýyttarynda óndiristiń ońtaıly josparlanýyn engizý» jobasynyń nátıjeleri týraly esep tyńdaldy. Joba aıasynda 2018 – 2019 jyldary Atyraý munaı óńdeý zaýytynda, Pavlodar munaı-hımııasy zaýytynda jáne «PetroQazaqstan Oıl Prodakts» JShS-de «Spiral Plan» baǵdarlamalyq jasaqtama negizinde óndiristik josparlaýdyń avtomattandyrylǵan júıesi engizildi. Atalǵan júıeni paıdalaný munaı óńdeý kásiporyndaryna óńdeý tereńdigin ulǵaıtýǵa, óndiris barysynda qoldanylatyn otyn kólemin jáne shıkizat shyǵyndaryn, sondaı-aq operasııalyq shyǵyndardy azaıtýǵa múmkindik beredi.

Jańǵyrtý jónindegi keńeste sıfrlyq transformasııa jobalaryn iske asyrý kezindegi táýekelderdi basqarýdyń tásili tanystyryldy. Bul tásil derbes belsendilikti kózdeıdi jáne merzimderi, quny, mazmuny men sapasy sııaqty kez kelgen jobanyń maqsattaryna jetý jolyndaǵy qandaı da bir táýekelderdi der kezinde anyqtaýǵa jáne onyń jaǵymsyz yqpalyn azaıtýǵa baǵyttalǵan.

 

Mańǵystaý oblysy

Sońǵy jańalyqtar

Italııada toǵyz júlde aldyq

Sport • Búgin, 10:10

«Barys» utylyp qaldy

Sport • Keshe

Eldos Smetov kúmis aldy

Sport • Keshe

«Qaırat» – qola júldeger

Aımaqtar • Keshe

Kóktemdegi UBT 10-naýryzda bastalady

Bilim • 05 Naýryz, 2021

Almatyda «Jyl qusy-2021» kórmesi bastaldy

О́ner • 05 Naýryz, 2021

Ár sala úzdikterine qurmet tanytty

Aımaqtar • 05 Naýryz, 2021

Almaty taýlarynda qar kóshkini júredi

Ekologııa • 05 Naýryz, 2021

Baǵdat Mýsın Shymkentke bardy

Aımaqtar • 05 Naýryz, 2021

Almatyda gashısh satqan azamat ustaldy

Qoǵam • 05 Naýryz, 2021

Rýslan Beketaev jańa qyzmetke taǵaıyndaldy

Taǵaıyndaý • 05 Naýryz, 2021

Qazaqstanda taǵy bir mereke paıda bolady

Qazaqstan • 05 Naýryz, 2021

Uqsas jańalyqtar