Jastar úshin jol ashyq
Seısenbi, 29 qańtar 2013 7:45
Oblys ákimdigi janyndaǵy jastar saıasaty jáne patrıottyq tárbıe berý keńesiniń alǵashqy otyrysy ótkizildi. Aýdan jáne qala ákimderiniń orynbasarlary, oblystyq basqarmalar, aýdandyq jáne qalalyq ishki saıasat bólimderiniń bastyqtary, joǵary jáne kásibı-tehnıkalyq oqý oryndary basshylary, jastar isi jónindegi komıtet tóraǵalary qatysqan keńestiń otyrysynda óńir jastarynyń «Jumyspen qamtý-2020» memleketik baǵdarlamasyna qatysýy, «Qoljetimdi baspana -2020» baǵdarlamasy aıasynda 2013 jylǵa arnalǵan turǵyn úı máselesin sheshýge memleket tarapynan júzege asyrylatyn sharalar, tehnıkalyq jáne kásiptik oqý oryndaryn bitirgen túlekterdiń jumysqa ornalasý jaıy, «Dıplommen – aýylǵa!» baǵdarlamasynyń júzege asyrylýy máseleleri keńinen talqylandy.
Seısenbi, 29 qańtar 2013 7:45
Oblys ákimdigi janyndaǵy jastar saıasaty jáne patrıottyq tárbıe berý keńesiniń alǵashqy otyrysy ótkizildi. Aýdan jáne qala ákimderiniń orynbasarlary, oblystyq basqarmalar, aýdandyq jáne qalalyq ishki saıasat bólimderiniń bastyqtary, joǵary jáne kásibı-tehnıkalyq oqý oryndary basshylary, jastar isi jónindegi komıtet tóraǵalary qatysqan keńestiń otyrysynda óńir jastarynyń «Jumyspen qamtý-2020» memleketik baǵdarlamasyna qatysýy, «Qoljetimdi baspana -2020» baǵdarlamasy aıasynda 2013 jylǵa arnalǵan turǵyn úı máselesin sheshýge memleket tarapynan júzege asyrylatyn sharalar, tehnıkalyq jáne kásiptik oqý oryndaryn bitirgen túlekterdiń jumysqa ornalasý jaıy, «Dıplommen – aýylǵa!» baǵdarlamasynyń júzege asyrylýy máseleleri keńinen talqylandy.
Elbasy Nursultan Nazarbaevtyń «Qazaqstan-2050» Strategııasy – qalyptasqan memlekettiń jańa saıası baǵyty» atty Qazaqstan halqyna Joldaýynda da jastarǵa «Sizder jańa baǵyttyń qozǵaýshy kúshine aınalýǵa tıissizder», dep qadap aıtýy tegin emes. Jastar qashanda qoǵamnyń qozǵaýshy kúshi bolyp tabylady. Sondyqtan da jastar saıasatyn qalyptastyrýǵa, olardyń ózekti máselelerin sheshýge udaıy kóńil bólinip keledi. Sońǵy 7 jylda ǵana jastar saıasatyn qarjylandyrý 20 eseden asa ósken eken. Statıstıkalyq málimetter boıynsha, oblys turǵyndarynyń úshten birin jastar quraıdy. «Jumyspen qamtý-2020» baǵdarlamasyn júzege asyrý maqsatynda, 2012 jyly baǵdarlamaǵa qatysýǵa óz betinshe jumyspen aınalysýshylar, jumyssyzdar jáne az qamtylǵandar ishinen 5000-ǵa jýyq adamdy tartý josparlansa, is júzinde 5093 adam tartyldy, sonyń ishinde 3 229 adam 29 jasqa deıingi jastardy quraıdy. Aldaǵy ýaqytta jyl saıyn «Jumyspen qamtý-2020» baǵdarlamasy aıasynda 500-ge jýyq adamdy oqytý kózdelýde.
Sonymen qatar, jastardy «Jasyl el», «Atameken» eńbek jasaqtaryna, «Aýyldyń gúldenýi – Qazaqstannyń gúldenýi» marafon-estafetasyna jumyldyrý qolda bar eńbek áleýetiniń tıimdiligin arttyrýǵa jáne jumyssyzdyqtyń ósýine jol bermeýine septigin tıgizdi. Búgingi tańda oblysta jalpy jumyssyzdyq deńgeıi 5,0 paıyz, al jastar jumyssyzdyǵynyń deńgeıi 2,3 paıyzdy quraıdy.
Sońǵy 3 jylda tehnıkalyq jáne kásiptik bilim berý oqý oryndarynyń jelisi memlekettik emes sektorlar esebinen ósti, búgingi tańda oblystaǵy 42 oqý ornynda 38 myńnan astam jastar bilim alýda. Oblys túlekterdi jumyspen qamtamasyz etýde respýblıka boıynsha 2012 jyly 2 ekinshi orynǵa taban tiredi. Bul joǵary kórsetkish tehnıkalyq jáne kásiptik bilim berý oqý oryndary men áleýmettik seriktesterdiń birlesken jumysynyń nátıjesi. Kolledj túlekterin jumyspen qamtý kórsetkishin 90 paıyzǵa deıin jetkizý jolynda jumystar istelýde.
«Dıplommen – aýylǵa!» baǵdarlamasy júzege asyrylǵan 2009-2012 jyldarda aýyldyq jerlerge 1680 maman keldi, Osy kezeńde 719 mln. 742 myń teńge bıýdjettik nesıeler bólindi, ıaǵnı 493 maman turǵyn úı satyp aldy, 1600 maman 172 mln. teńge kótermeleý járdemaqyǵa ıe boldy. Alda turǵan úsh jylda 1500-den astam mamandy tartý úshin respýblıkalyq bıýdjetten 805,6 mln. teńge bólý josparlanyp otyrǵan kórinedi.
«Qoljetimdi baspana-2020» memlekettik baǵdarlamasyn júzege asyrýdyń 2012-2020 jyldarǵy kezeńinde 4,0 mıllıon sharshy metr turǵyn úı salý kózdelýde.
Keńes otyrysyn qorytyndylaǵan oblys ákimi Arhımed Muhambetov kóterilip otyrǵan máselelerdiń mańyzdylyǵyn alǵa tarta otyryp, aýdan ákimderi men basqarma bastyqtaryna jastar saıasatynyń problemalaryn oń sheshýdiń naqty joldaryn kórsetip, tapsyrmalar berdi. Jıyn sońynda óńirdiń áleýmettik-ekonomıkalyq jáne mádenı damýyna belsendi úles qosqan jastar qoǵamdyq birlestikteri jáne jastar saıasaty baǵdarlamasyn aqparattyq qamtamasyz etýde úzdik dep tanylǵan BAQ ókilderi marapattaldy.
Satybaldy SÁÝIRBAI,
«Egemen Qazaqstan».
Aqtóbe.
