Saıası keńestiń músheleri, qoǵam ókilderi men aýdandyq máslıhat hatshylary, fraksııa jetekshileri qatysqan májiliste Nur Otan partııasy Túrkistan oblystyq fılıalynyń tóraǵasy, oblys ákimi О́mirzaq Shókeev jańǵyrtý baǵdarlamasyna keńinen toqtalyp, júzege asyrý boıynsha birqatar tapsyrma júktedi.
«Birinshi, partııanyń belsendi múshelerin aıqyndap alýymyz qajet. Partııada el degende janashyrlyqpen jumys isteıtin, halyqqa shyn jany ashıtyn belsendiler júrýi kerek. Ekinshi, jastar jylyna oraı, ákimdik, basqarma basshylary, zııaly qaýym, belsendilerdi tarta otyryp Jas Otan Jastar qanatymen birge dıalogtyq alań quryp, pikir-saıystar ótkizýimiz qajet. Úshinshi, sybaılas jemqorlyqpen kúreste partııalyq baqylaý qajet. Tórtinshi, partııa azamattardyń ózekti máselelerin sheshýde kómek kórsetýi tıis. Besinshi, partııada qarapaıym halyqpen qatar kásipkerlerge zań júzinde keńes berip, olardyń aryz-shaǵymyn tyńdaıtyn Qoǵamdyq bıznes-qabyldaý ashylýy qajet. Altynshy, oblystaǵy, aýdandaǵy áleýmettik-ekonomıkalyq, saıası jaǵdaıdy nasıhattaýda, ózekti máselelerdi buqaralyq aqparat quraldary aıtýy kerek, jazýy kerek. Jetinshi, bizdiń oblysta qarqyndy júzege asyrylyp jatqan «Aýyl el - besigi» jobasynyń júzege asýyn partııalyq baqylaýǵa alyp, sapaly oryndalýyn tapsyramyn», - dedi partııa fılıalynyń tóraǵasy.
Sondaı-aq jıynda oblystyq partııa fılıaly tóraǵasynyń birinshi orynbasary B.Tájibaev óńirdegi áleýmettik-ekonomıkalyq, mádenı-rýhanı saladaǵy ózekti máselelerdi qamtyǵan baıandama jasady. Al jaryssózge shyqqan Saıası keńes múshesi, oblystyq máslıhat depýtaty N. Ábishev, aqyn, OQMPÝ janyndaǵy «Aıtys» ortalyǵynyń jetekshisi B. Baıtýov jáne Túrkistan gýmanıtarlyq-tehnıkalyq kolledjiniń dırektory, «Maman» bastaýysh partııa uıymynyń tóraǵasy A. Apbazov qoǵamdaǵy máselelerge qatysty oılaryn ortaǵa saldy.
Túrkistan oblysy
