Bilim mınıstrliginiń habarlaýynsha, Qazaqstan mektepterindegi alǵashqy qońyraý jeksenbi kúni 1 qyrkúıekte soǵylady. Alǵashqy qońyraýdan keıin respýblıka mektepterinde sabaq ótkizilmeıdi. Dúısenbi – 2 qyrkúıekten bastap, sabaq belgilengen kestege sáıkes ótkiziledi.
Bıyl elimizde alǵash ret 400 myńnan astam birinshi synyp oqýshysy mektep tabaldyryǵyn attaıdy.
2019-2020 oqý jylynda respýblıkada 7 myńnan astam memlekettik mektepterinde 3 mln-nan astam oqýshy oqýyn jalǵastyrady. Alǵash ret 400 myńnan astam birinshi synyp oqýshysy mektep tabaldyryǵyn attaıdy. Bilim kúni oqýshylardy 300 myńǵa jýyq pedagog qarsy alady. 10 myńnan astam jas pedagog kásibı qyzmetke kirisedi.
Sondaı-aq, bıyl Nur-Sultan qalasynda 24 myń bala birinshi synypqa barady. Segiz mektep úsh aýysymmen jumys isteıtin bolady. Statıstıkaǵa súıense, elorda halqy jyldam ósip kele jatyr. Osydan 10 jyl buryn, ıaǵnı 2008 jyly qalada 73 mektep, 75 myń oqýshy bolǵan eken. Bıyl jańadan salynyp jatqan mektepterdi qosqanda qyrkúıek aıynda Nur-Sultanda 111 mektep bolady. Oǵan 183 myń oqýshy keldi. Tek bir jylmen salystyrar bolsaq, byltyr 1-synypqa 18 myń oqýshy barǵan, al bıyl – 24 myń oqýshy. Al ótken oqý jylyn 6 myń oqýshy bitirdi. Al olardyń ornyna tórt ese kóp oqýshy kelgen.
Oblys ákimderi, Nur-Sultan, Almaty, Shymkent qalalarynyń ákimderi, barlyq deńgeıdegi jergilikti atqarýshy organdardyń ókilderi de mektep lıneıkalaryna qatysýy josparlanǵan.
