Oblys basshysy Ońdasyn Orazalınniń qatysýymen ótken basqosýǵa qala turǵyndary da kelip, kókeıdegi saýaldaryn joldady. Mavr Abdýllın osy jyldyń 7 aıdaǵy ekonomıkalyq kórsetkishterge toqtaldy. Máselen, ónerkásip, óndirisiniń kólemi – 338,9 mlrd. teńge, óńdeý ónerkásibi – 288,6 mlrd. teńgeni quraǵan. Investısııa kólemi, aýylsharýashylyq, qurylys, turǵyn úı salý, kásipkerlik salalaryndaǵy atqarylǵan jumystarmen bólisti.
Aýyl sharýashylyǵynda jalpy óniminiń kólemi 10,3 mlrd. teńgeni quraǵan.Qurylys jumystarynyń kólemi 29,2 mlrd. teńgeni qurasa, shaǵyn jáne orta kásipkerlik salasynda tirkelgen sýbektiler sany - 48,1 myń birlik nemese 2018 jyldyń sáıkes kezeńimen salystyrǵanda 4,3 %-ǵa joǵary ekenin aıtty. Qala ákimi barlyq sala boıynsha aldaǵy úsh jylǵa taldaý jasaǵan. Qala ekonomıkasyn damytýǵa 700,0 mlrd. teńge ınvestısııa tartýdy josparlaıdy Qazirgi tańda ınvestısııalyq jobalardyń tizimi jasaqtaldy. Onyń ishine 6,6 myń jumys orynyn ashatyn jalpy quny 616,7 mlrd.teńge bolatyn 48 iri jobalar kirgen.
"Nurly jer" turǵyn úı qurylysy baǵdarlamasy boıynsha sońǵy úsh jylda 41,8 mlrd. teńgege 388 myń m2 turǵyn úı berilgen.
Búgingi kúni Aqtóbe qalasynda qol jetimdi baspana alýǵa 23,0 myń otbasy kezekte tur.
Qalada 1801 kóp qabatty turǵyn úı bar. Sonyń ishinde 17 úı apattyq jáne 500 ge jýyǵy eski úıler. Apattyq úılerdiń jaǵdaılaryn sheshý maqsatynda ınvestorlar tartylyp, atalǵan jerlerde turǵyn úı kompleksin salyp, ekinshi deńgeıli páterler satyp alý boıynsha jumystary júrgizilýde. Aqtóbe qalasynyń «Jastar Qurylys» Jańaqonys aýdanynda 250 páterli 5 kóp qabatty turǵyn úı salý josparlady.
Sonymen qatar, 500ge jýyq eski úıler 1960 jylǵa deıin qalamyzdyń Turǵyn úı qalashyǵy, Avıaqalashyq, Kóne qala, Qarǵaly aýyly sekildi bólikterinde turǵyzylǵan eski ǵımarattar. Apatty jáne tozyǵy jetken turǵyn úılerdiń máselesin sheshý úshin Almaty, Nur-Sultan qalalarynda «Nurly jer» baǵdarlamasyna sáıkes apatty úılerdi buzý jobasyn Aqtóbe qalasynda engizý boıynsha, Úkimetke usynys daıyndalýda.
Mavr Abdýllın oblys ákimine josparlanǵan jumystardy júzege asyrý úshin qyrýar qarajattyń qajet ekenin aıtty. Abattandyrý jumystaryn iske asyrý úshin aldaǵy úsh jylda 40,5 mlrd.teńge qarajat, qalaǵa onǵa jýyq qoqys polıgony salyný kerek. Bir polıgonnyń qurylysyna 200,0 mln. teńge qajet bolady. 2022 jylǵa deıin úsh aýysymdyq mektepterdi joıý úshin 15,6 mlrd. teńgege 6100 oqý oryndyqty quraıtyn 9 mektep jáne 8 japsarjaı salýdy qajet etedi.
Qalada jolaýshylar tasymalymen 2 kásiporyn aınalysady. 52 baǵyt boıynsha 398 avtobýs tasymaldaýy tıis bolǵanmen avtobýstyń jetispeýshiliginen 300 qoǵamdyq kólik qyzmet kórsetýge májbúr.
Kelesi jyly «BRK-Lızıng» AQ arqyly 40 dana jańa avtobýspen tolyqtyrylady.
Oblys ákimi joǵaryda atalǵan birqatar máselelerge qatysty olardyń oryndalý barysyna kóńili tolmaıtynyn aıtty.
«Jol máselesi, tazalyq, kógaldandyrý jumystary nashar, qyrýar qarajatqa aǵashtar otyrǵyzylǵanmen ony sýarý máselesi áli kúnge deıin bir júıege keltirilmegen. Áleýmettik jelilerden únemi baıqaǵanym aqtóbelikterdi osy jol sapasy, qoǵamdyq kólik, tazalyq máseleleri kóptep alańdatady. Turǵyndardyń ótinishterin qanaǵattandyrý boıynsha naqty jumystar atqaryńyz»,-dedi oblys ákimi.
Jıyn sońynda turǵyndar saýaldaryn joldap,usynys-pikirlerin bildirdi. Jaryqtandyrý, ózen arnalaryn keńeıtý máselesi, qoǵamdyq kólik, aıaldama, jol sapasynyń nasharlyǵyna qatysty máseleler kóterildi. Qala ákimi saýaldarǵa jaýap berip, bul problemalar kezeń-kezeńimen sheshiletindigin jetkizdi.
