Aımaqtar • 05 Qyrkúıek, 2019

Túrkistanda azamattardyń ótinishin baqylaý bólimi qurylady

32 ret kórsetildi

Atalǵan bólim barlyq deńgeıdegi aryz-shaǵymdardyń merziminde jaýap berilýine baqylaý jasaıdy. Bul jóninde oblys ákimi О́mirzaq Shókeev Prezıdent Joldaýyn iske asyrýǵa arnalǵan jıynda málim etti.

Alqaly jıynda oblys ákimi Joldaýda aıqyndalǵan baǵyttarǵa toqtalyp, naqty tapsyrmalar berdi. «Aýyl el - besigi» jobasy boıynsha atqarylatyn jumystarǵa da toqtaldy. «Bıyl Túrkistan oblysynda 7 eldi mekenniń máselesin sheshýge 4 mlrd. teńge jumsaldy. Nátıjesinde 112,8 shaqyrym jol tóselip, 7 bilim, 1 sport jáne 5 mádenıet nysandary jóndeýden ótetin bolady. Joba aıasynda 2020 jylǵa 15 eldi mekende 114 jobany iske asyrýǵa 4,8 mlrd.teńge baǵyttaý josparlanýda», - dedi oblys ákimi. Sondaı-aq О́mirzaq Shókeev qala, aýdan ákimderi men qalalyq qurylymdardyń basshylaryna turǵyndar arasynda keń aýqymdy aqparattyq-túsindirý jumystary júrgizýdi júktep, ózderine júktelgen mindetterdi ýaqtyly ári sapaly oryndaýǵa tapsyrma berdi.

Aktıv otyrysynda máslıhat depýtattary, ardagerler, zııaly qaýym, qoǵamdyq uıym tóraǵalary jaryssózge shyǵyp, Joldaýda atalǵan mindetter boıynsha óz pikirlerimen bólisti.

Al «Nur Otan» partııasy Túrkistan oblystyq fılıaly tóraǵasynyń birinshi orynbasary Beısen Tájibaev jergilikti atqarýshy organdardaǵy partııa múshelerine máseleni jasyrǵannan góri jedel sheshken tıimdi ekenin aıtty. «Búginde oblysta áleýmettik jaǵdaıdyń tómendigi, turǵyn úı jáne jumysqa ornalasý máseleleri óte ózekti. Partııa fılıaly birinshi kezekte osy baǵyttaǵy problemalardy júıeli túrde sheshý úshin jergilikti ákimdiktermen, tıisti basqarmalarmen jospar túzip, júrgizetin bolady», - dedi B.Tájibaev.

Partııa fılıaly Prezıdenttiń Joldaýda aıtqan «Halyq únine qulaq asatyn memleket» tujyrymdamasyn iske asyrý úshin eki baǵytta jumys júrgizbek. Eń aldymen, partııa fılıalynyń Qoǵamdyq qabyldaý bólmesi Túrkistan qalasyndaǵy halyq eń jıi shoǵyrlanǵan Almaty arbatyndaǵy ǵımaratta «Open space» formatyna kóshse, ekinshiden barlyq laýazym ıeleriniń qabyldaýlaryn áleýmettik jelilerde tikeleı efır arqyly júrgizý qolǵa alynatyn bolady. Sonymen qatar, aktıv jınalysynda partııa fılıaly Joldaýdy halyqqa tıimdi etip nasıhattaý úshin eski formattaǵy kóptegen jınalystardy toqtatyp, eldegi sheshimin tappaǵan máselelerge jaýapty ókilderdi alyp, eldiń ortasyna shyǵýdy usyndy. Atap aıtqanda, kásiporyn aýlasynda, bazarlarda, alańdarda, saıabaqtarda, egistik alqaptarynda, fermalarda ashyq aspan aıasynda ótetin kezdesýlerde turǵyndar sala mamandaryna tikeleı saýal qoıyp, jaýabyn alý kerek.

Aıta ketelik, jyl basynan beri «Nur Otan» partııasy Túrkistan oblystyq fılıalynyń Qoǵamdyq qabyldaý bólmesine 5204 aryz-shaǵym túsken. Onyń 2747-si ońtaıly sheshilip, 2289 ótinishke zań aıasynda keńester berilgen, 168 ótinish búginde qaralý ústinde. Aryz-shaǵymdardyń 2148-i áleýmettik kómekke muqtajdardan, al 1629–y turǵyn úıge jáne jerge muqtajdyq boıynsha, 454–i jumysqa ornalasý, zańsyz jumystan shyǵarý, eńbek aqy óndirý máselesine qatysty túsken. Ásirese Keles, Ordabasy, Jetisaı aýdandarynan shaǵymdanýshylar kóp.

 

 

Túrkistan oblysy

Sońǵy jańalyqtar

Jem-shóp daqyldarynyń alqaby uǵaıtyldy

Qazaqstan • Búgin, 12:30

Brent markaly munaı baǵasy ósti

Ekonomıka • Búgin, 09:19

Almatydaǵy alyp mýral

Aımaqtar • Búgin, 09:15

Seısenbige arnalǵan aýa raıy boljamy

Aýa raıy • Búgin, 09:09

Týrnırdiń shırek fınalyna shyqty

Tennıs • Búgin, 09:07

Fransııadan da jeńildi

Hokkeı • Búgin, 09:05

«Astana opera» – álem nazarynda

Teatr • Búgin, 09:00

Uqsas jańalyqtar