Aımaqtar • 11 Qyrkúıek, 2019

Jezqazǵanda «Aqsaq qulan» kúıshiler konkýrsy ótti

85 ret kórsetildi

Jezqazǵanda qala irgesiniń qalanǵanyna 65 jyl tolý mereıtoıyna oraı Ketbuqa bı atyndaǵy «Aqsaq qulan» kúıshiler konkýrsy ótti. Halyqaralyq deńgeıdegi óner dodasynda Qytaı, Mońǵolııa elderinen jáne Nur-Sultan, Almaty, Qyzylorda, Jezqazǵan qalalarynan barlyǵy 17 kúıshi baq synady.

Baıqaý qorytyndysynda Semeıden kelgen Daryn Qudaıbergenov bas júldege laıyqty dep tanylyp, oǵan 1 mıllıon teńgeniń sertıfıkaty tabys etildi. Daryn ıesi Qazaq Ulttyq ýnıversıtetiniń tórtinshi kýrsynda oqıdy.

Qazylar alqasynyń sheshimimen, birinshi orynǵa almatylyq Azamat Shynarov ıe bolsa, ekinshi júlde Qytaıdan kelgen qandasymyz Baǵdar Jarqyn men astanalyq Álııa Qaramuhanovaǵa teńdeı bólinip berildi. Al úshinshi júlde almatylyq Botakóz Dúngenbaeva men Baqberdi Qadýbekke, jezqazǵandyq Baqytjan Esmaǵanbetov pen qyzylordalyq Abylaıhan Sqaqovqa buıyrdy.

Kúıshiler konkýrsynyń sońyna taman baıqaý jeńimpazdary men júldegerleri qatysqan baspasóz máslıhaty uıymdastyrylyp, odan keıin gala-konsert berildi. Atalǵan sharada Abaı atyndaǵy memlekettik akademııalyq opera jáne balet teatrynyń solısteri óner kórsetip, kórermen qaýymnyń yqylasyna bólendi.

 

Qaraǵandy oblysy

 

Sońǵy jańalyqtar

Aq úıdiń alǵashqy meımany

Álem • Búgin, 12:15

ShQO-da mal urylary ustaldy

Aımaqtar • Búgin, 11:00

Uqsas jańalyqtar