Qazaqstan Respýblıkasy Úkimetiniń qaýlysy №1528
Sársenbi, 23 qańtar 2013 5:53
2012 jylǵy 30 qarasha, Astana, Úkimet úıi
«Qazaqstan Respýblıkasynyń Memlekettik Týyn, Memlekettik Eltańbasyn jáne olardyń beınelerin, sondaı-aq Qazaqstan Respýblıkasy Memlekettik Gımnniń mátinin ornalastyrý erejesin bekitý týraly» Qazaqstan Respýblıkasy Úkimetiniń 2007 jylǵy 2 qazandaǵy №873 qaýlysyna ózgerister men tolyqtyrýlar engizý týraly
Sársenbi, 23 qańtar 2013 5:53
2012 jylǵy 30 qarasha, Astana, Úkimet úıi
«Qazaqstan Respýblıkasynyń Memlekettik Týyn, Memlekettik Eltańbasyn jáne olardyń beınelerin, sondaı-aq Qazaqstan Respýblıkasy Memlekettik Gımnniń mátinin ornalastyrý erejesin bekitý týraly» Qazaqstan Respýblıkasy Úkimetiniń 2007 jylǵy 2 qazandaǵy №873 qaýlysyna ózgerister men tolyqtyrýlar engizý týraly
Qazaqstan Respýblıkasynyń Úkimeti qaýly etedi:
1.«Qazaqstan Respýblıkasynyń Memlekettik Týyn, Memlekettik Eltańbasyn jáne olardyń beınelerin, sondaı-aq Qazaqstan Respýblıkasy Memlekettik Gımnniń mátinin ornalastyrý erejesin bekitý týraly» Qazaqstan Respýblıkasy Úkimetiniń 2007 jylǵy 2 qazandaǵy №873 qaýlysyna (Qazaqstan Respýblıkasynyń PÚAJ-y, 2007 j., №36, 410-qujat) mynadaı ózgerister men tolyqtyrýlar engizilgen:
Kirispe mynadaı redaksııada jazylsyn:
«Qazaqstan Respýblıkasynyń memlekettik rámizderi týraly» 2007 jylǵy 4 maýsymdaǵy Qazaqstan Respýblıkasynyń Konstıtýsııalyq Zańynyń 10-babynyń 3) tarmaqshasyna sáıkes Qazaqstan Respýblıkasynyń Úkimeti qaýly etedi:»;
Kórsetilgen qaýlymen bekitilgen Qazaqstan Respýblıkasynyń Memlekettik Týyn, Memlekettik Eltańbasyn jáne olardyń beınelerin, sondaı-aq Qazaqstan Respýblıkasy Memlekettik Gımnniń mátinin ornalastyrý erejesinde:
tarmaq mynadaı redaksııada jazylsyn:
«1. Osy Ereje «Qazaqstan Respýblıkasynyń memlekettik rámizderi týraly» 2007 jylǵy 4 maýsymdaǵy Qazaqstan Respýblıkasynyń Konstıtýsııalyq Zańyna (Budan ári – Konstıtýsııalyq Zań) sáıkes ázirlendi jáne Qazaqstan Respýblıkasynyń Memlekettik Týyn, Memlekettik Eltańbasyn jáne olardyń beınelerin, sondaı-aq Qazaqstan Respýblıkasynyń Memlekettik Gımnniń mátinin paıdalaný tártibin aıqyndaıdy.»;
2- tarmaq mynadaı mazmundaǵy 10-1 tarmaqshasymen tolyqtyrylsyn:
«10-1) halyqaralyq uıymdar ótkizetin rásimder, saltanatty jáne sporttyq is-sharalar kezinde;»;
8-tarmaq mynadaı redaksııada jazylsyn:
«8. Qazaqstan Respýblıkasynyń Memlekettik Týy onyń kólemine qaramastan ulttyq standarttarǵa sáıkes kelýi tıis.»;
mynadaı mazmundaǵy 10-1, 10-2 jáne 10-3- tarmaqtarmen tolyqtyrylsyn:»
10-1. Osy Erejeniń 2- tarmaǵynyń 10-1 tarmaqshasynda kózdelgen rásimder, saltanatty jáne sporttyq is-sharalardy ótkizýi kezinde Qazaqstan Respýblıkasynyń Memlekettik Týy Konstıtýsııalyq Zańǵa, sondaı-aq sol memlekettik hattamalyq praktıkasyna jáne jergilikti salt-dástúrlerge sáıkes ornalastyrylady.
10-2. Sport túrleri boıynsha qoǵamdyq birlestikter, bas jattyqtyrýshylar sporttyq is-sharalardy uıymdastyrýshylardyń Qazaqstan Respýblıkasynyń Memlekettik Týyn ornalastyrý tártibin saqtaýyn qamtamasyz etýge mindetti.
10-3. Sheteldik sportshylardyń (komandalardyń) qatysýymen ótetin jarystardyń júldegerlerin marapattaý rásimi kezinde ókilderi sporttyq jarystardyń júldegerleri bolyp tabylatyn qatysýshy memleketterdiń memlekettik týlary saltanatty túrde kóteriledi.»;
14- tarmaqtyń birinshi abzasy mynadaı redaksııada jazylsyn:
«14. Qazaqstan Respýblıkasynyń Memlekettik Týyn bir jáne (nemese) kóp qabatty ǵımarattarda ekstererli nusqada ornalastyrý kezinde ǵımarattyń sáýlettik erekshelikteri jáne mynadaı ólshemder paıdalanylady:»;
18- tarmaq mynadaı redaksııada jazylsyn:
«18. Qazaqstan Respýblıkasynyń Memlekettik Eltańbasy onyń kólemine qaramastan ulttyq standartqa sáıkes kelýi tıis.»;
21- tarmaqtyń birinshi abzasy mynadaı redaksııada jazylsyn:
«21 Qazaqstan Respýblıkasynyń Memlekettik Eltańbasyn bir jáne (nemese) kóp qabatty ǵımarattarda ekstererli nusqada ornalastyrý kezinde ǵımarattyń sáýlettik erekshelikteri eskeriledi jáne mynadaı ólshemder paıdalanylady:»;
28- tarmaq mynadaı redaksııada jazylsyn:
«28. Osy Erejeniń 26-tarmaǵynyń 1) jáne 2 tarmaqshalarynda kórsetilgen mórler men qujattardyń blankilerinde, resmı basylymdarda ornalastyrylǵan Qazaqstan Respýblıkasy Eltańbasynyń beıneleri ulttyq standartqa sáıkes kelýi tıis:»;
30-tarmaq mynadaı redaksııada jazylsyn:
«30. Osy Erejeniń 26 tarmaǵynyń 4) tarmaqshasynda kórsetilgen qujattarda ornalastyrylǵan Qazaqstan Respýblıkasy Memlekettik Eltańbasynyń beıneleri Qazaqstan Respýblıkasynyń normatıvtik quqyqtyq aktilerine, sondaı-aq ulttyq standarttarǵa sáıkes kelýi tıis.»;
35-tarmaq mynandaı redaksııada jazylsyn:
«35. Memlekettik rámizder beıneleri bar stendiler (plakattar) saltanatty is-sharalar ótetin kópshilik nazaryna qoljetimdi jerlerde ornatylýy tıis.»;
2. Osy qaýly alǵashqy resmı jarııalanǵan kúnnen bastap kúntizbelik on kún ótken soń qoldanysqa engiziledi.
Qazaqstan Respýblıkasynyń Premer-Mınıstri S.AHMETOV.
