Sharaǵa Májilis Tóraǵasy Nurlan Nyǵmatýlın, Májilis depýtattary jáne marqumnyń otbasy músheleri qatysty.
Palata Spıkeri jınalǵandar aldynda Marat Ospanovtyń Qazaqstannyń Tuńǵysh Prezıdenti, Elbasy Nursultan Nazarbaevtyń senimdi serigi bola júrip, egemen elimizdiń damýyna, Qazaqstanda parlamentarızmdi qalyptastyrýǵa qosqan zor róli týraly baıandady.
Sonymen birge óziniń qaısarlyǵymen, týrashyldyǵymen Elbasy tapsyrǵan árbir isti syndarly jáne tıimdi oryndap, táýelsiz Qazaqstanymyzdyń ıgiligi jolynda aıanbaı qyzmet etkenin aıtty.
Májilis Spıkeri atap ótkendeı, bul kórme Marat Ospanovtyń týǵanyna 70 jyl tolýyna arnalǵan keshendi sharalardyń alǵashqy qadamy. Aldaǵy ýaqytta kóptegen jumystar josparlanǵan.
Kórmede Májilis depýtattary jáne Marat Ospanovtyń jary Baqyt Ahmetqalıqyzy sóz alyp, saıası qaıratkerdiń ómiri, eleýli eńbekteri men ǵylymı qyzmeti jóninde, adamdyq izgi qasıetteri týraly jan-jaqty baıandady. Kórmege Marat Turdybekulynyń bala kezinen Májilis Tóraǵalyǵyna deıingi ómir jolynan syr shertetin sýretter qoıyldy.
