SО́ZSOIYL: Aýyldyń aıtqyshtary
Dúısenbi, 7 qańtar 2013 11:23
SÝRETTIŃ SYRY
Birde Mákeń jazýshy Ǵabıt Músirepovpen sýretke túsedi. Keıin sýretti kórgen kóńili jaqyn bireý:
– Máke, Ǵabeńmen sýretke túsipsiz ǵoı, – deıdi súıinishpen.
Dúısenbi, 7 qańtar 2013 11:23
SÝRETTIŃ SYRY
Birde Mákeń jazýshy Ǵabıt Músirepovpen sýretke túsedi. Keıin sýretti kórgen kóńili jaqyn bireý:
– Máke, Ǵabeńmen sýretke túsipsiz ǵoı, – deıdi súıinishpen.
Sonda, Mákeń:
– Osy sýretti kórgender, meni tanıtyny: “Mákeń bále eken, Ǵabıtpen qushaqtasyp sýretke túsipti” dep júr eken, al Ǵabeńdi tanıtyndar: “Oıbaı, Ǵabeń bále eken, Nıkıta Sergeevıchtiń ózimen qushaqtasyp sýretke túsipti ǵoı” deıtin kórinedi, – dep kúldiripti.
AÝT
Bir sovhozdyń jumysshylar komıtetiniń tóraǵasy Ábekeńe shaǵym aıta kelip:
– Men týra fýtboldyń doby boldym, birese ana sovhozǵa, birese myna sovhozǵa aýystyra beresizder. Buǵan qashan toqtaý bolady? – dep renjigen kórinedi. Sonda Ábekeń:
– Dop bolyp ishimizde domalap júre bergenińe rıza bolmaısyń ba, bir kúni bóten bireý kelip, qattyraq teýip jiberse, múldem aýtqa shyǵyp ketesiń ǵoı! – depti.
SAQTYQ
Ábekeńniń shoferi jas jigit eken, máshıneni ushyrtyp aıdap kele jatypty. Bir kezde aýyl shetindegi molanyń tusynan ótip bara jatqanda, ol shoferiniń qulaǵyna jaqyndap, jaı ǵana:
– Myna marqumdardyń qataryna merziminen buryn qosylyp júrmeıik, – depti sybyrlap.
ARAQ
Zamannyń tynysh kezinde Jańaqorǵannyń biraz jigiti ishinde Manap aqyn, Esirkep Qonqabaev deıtin aqyn bar, taý qoınaýyna demalýǵa shyǵady.
Qýaqylaý bir jigit “Esaǵa, Máke, buryn qazaqta araq bolmaǵan eken, Daldiń túsindirmesinde de, oryssha-qazaqsha sózdikte de baıqamadyq. Sonda sharaptan basqany bilmeıtin qazaqta “araq” degen ataý qalaı paıda bolǵan?” deıdi.
Esirkep aqyn julyp alǵandaı:
– Oı, jigitter-aı, ol “Aıqaılap, rahattanyp aýylǵa qaıtamyn” degen sózderdiń bas áripterinen quralǵan sóz ǵoı, – deıdi.
Sonda, Mákeń myrs etip:
– Áı, Esaǵa, olaı emes shyǵar “Aıqaılap rahattansań aqyry qamalarsyń” degen sóz bolýy da múmkin ǵoı, – degen eken.
Daıyndaǵan
Berik SADYR
