«Dóńgelek ústeldiń» maqsaty – Qazaqstan Respýblıkasynyń Prezıdenti Q.K.Toqaevtyń Joldaýda usynǵan basym mindetterin talqylaý. Jıynǵa joǵary bilim júıesiniń, ardagerler keńesiniń ókilderi, jastar men kásipkerler qatysty.
Is-sharanyń moderatory, belgili saıasattanýshy Erlan Saırov El Prezıdentiniń Joldaýy eldegi áleýmettik-saıası prosesterdiń negizgi elementi jáne qoǵamdyq bolmysty baıyppen jańartý kontýry ekenin atap ótti.
«Prezıdent Joldaýy elimizdegi áleýmettik-saıası prosesterdiń jáne qoǵamdyq sanany jańǵyrtýdyń bazalyq elementi bolyp tabylady. Memleket pen azamattar arasynda baılanystyń jańa formaty, turǵyndarmen keri baılanystyń jańa mehanızmderi qajet. Bul rette jastar qaýymy eń belsendi ári negizgi kúsh ekeni daýsyz. Bul Joldaýda áleýmettik máselelermen qatar qoǵamdyq-saıası úrdisterdi jańǵyrtý, qoǵammen bılik arasynda dıalog ornatý máseleleri qamtylǵan. О́zgerissiz birde-bir qoǵam nemese memleket damı almaıdy. Sondyqtan biz qoǵamdaǵy jańa ózgeristerge, damý prosesterine daıyn bolýymyz kerek. Ol úshin ulttyń sanasyn kótere otyryp, jańa áleýmettik standardtardy jasaǵan abzal», degen saıasattanýshy jańa dáýiri bastalǵan Túrkistan oblysy men Túrkistan qalasynyń iri ortalyqqa aınalatynyna senim bildirdi.
Túrkistan qalalyq ardagerler keńesiniń tóraǵasy J.Qulbaıymbetov Prezıdent Q.K.Toqaevtyń Joldaýy saıası maýsymdy ashyp bergenin aıtty. Onyń aıtýynsha, Prezıdent Joldaýynda qoǵamdaǵy eń mańyzdy ári ózekti máseleler túgel qamtylǵan.
Túrli sanattaǵy azamattardyń pikirlerinen Prezıdenttiń alǵashqy Joldaýy joǵary bilim júıesi ókilderiniń ǵana emes, jastar arasynda da zor qyzyǵýshylyq týdyrǵanyn ańǵaryldy. Sóz sóıleýshiler Joldaýǵa degen qyzyǵýshylyǵyn ondaǵy aıtylǵan strategııalyq, ekonomıkalyq, saıası damý vektorlarymen qatar, ortalyq pen óńirlerde jınalyp qalǵan kókeıtesti problemalarǵa erekshe kóńil bólinýimen túsindirdi.
«Túrkistan oblysynyń jastary Memleket Basshysynyń Joldaýyndaǵy áleýmettik jáne saıası bastamalardy qyzyǵýshylyqpen qabyldady jáne osy baǵyttaǵy jumystardy júzege asyrýǵa atsalysady. Joldaýdy talqylap qana qoımaı, naqty iske kóshý kerek», deıdi jıynǵa qatysýshylar.
Basqosýda demografııa, áleýmettik kómek, saıası lıberalızasııa, adam kapıtalyn damytý, qazaq halqyn kásipkerlikke beıimdeý jáne ózge de máseleler sóz boldy.
Túrkistanda Qazaqstan Respýblıkasy Prezıdenti Joldaýynyń oryndalýyn qoǵamdyq baqylaýdyń tetikteri tıimdi damýda. Azamattar men óńirlik bılik organdarynyń birlesken bastamasy boıynsha azamattardyń shaǵymdary men ótinishterin qarastyratyn jáne jaýap beretin qurylym qurylǵan.
