Ardager ǵasyrǵa tolǵan jasynda jańa kitabyn jazyp jatyr. Ivan Fedorovıchtiń munyń aldynda jazǵan «Joldar – meniń taǵdyrym» atty onyń soǵystan keıngi beıbit jaldary elimizge sińirgen eńbegi týraly jazdy. Ol soǵystan keıingi beıbit ómirde joldar salýmen aınalysty.
Ivan Fedorovıch Keńes odaǵy jyldary oblystaǵy Jol basqarmasynyń bastyǵy bolyp qyzmet etti. Sol jyldary Qarasý aýdanyna 350 shaqyrym tas jol salǵyzǵan bolatyn. Aýdan turǵyndary ony áli kúnge deıin rızashylyqpen eske alady. Búginde ardagerdiń bul kitaby Tuńǵysh Prezıdent mýzeıinde saqtaýly tur.
Ardager ómirindegi eń joǵary marapaty elge maıdannan aman-esen oralýy dep biledi.
«1941 jylǵa deıin samýraılarmen bolǵan soǵysqa qatysty. Sol jyldardaǵy eńbegim úshin Marshal Jýkov medalin taqty. 1942 jyldan bastap batysqa, Ekinshi Ýkraın maıdanyna jiberildi» dep áńgimeledi Ivan Fedorovıch týraly Qostanaı qalalyq Ardagerler keńesiniń tóraǵasy Iýrıı Horıakov.
Ardagerdiń ǵasyrlyq týǵan kúnine Qostanaı jáne onyń ózi ósken Qarasý aýdandyq Ardagerler keńesiniń músheleri keldi. Olar Qostanaı qalasynyń ákimi Qaırat Ahmetovtiń toı ıesin quttyqtaýyn jetkizdi. Ákimniń atynan mereıtoı ıesine Qostanaı qalasynyń 140 jyldyǵyna arnap shyǵarylǵan saǵat syıǵa tartyldy.
