Qurmanǵazy aýdandyq tarıhı-ólketaný mýzeıine bul jádigerdi 1979 jyly ólketanýshy Maqsot Joljanov tapsyrypty. Mýzeı qyzmetkeri Jazıra Mádirova: «Bul – bizdiń zamanymyzǵa deıingi II-III ǵasyrlarǵa jatatyn patera dep atalatyn ydystyń saby, – deıdi. – Ejelgi Rımde taǵam salýǵa arnalǵan paterany keıin qurbandyqqa soıylǵan maldyń qanyn quıýǵa paıdalanǵan. Ydystyń saby qoladan jasalǵan. Qola dáýiriniń hronıkalyq shegi b.z.b. 4-myńjyldyq pen b.z.b. 1-shi myńjyldyqtyń basyn qamtydy. Qola – ár-túrli proporsııadaǵy mys pen qalaıynyń, qorǵasynnyń qorytpasy».
Jádigerge zer salsaq, sabynyń ushy múıizdi qoshqar basynyń naqyshymen beınelenipti. О́lketanýshy Maqsot Joljanov pateranyń sabyn Qoshalaq óńirinen tapqan. Qoshalaq – «Kıeli ár tas munda, endi attaý uıat-ty. Tabanyńnyń astynda, bir qupııa jazý jatqan sııaqty», dep jyrlaǵan aqyn Jumeken Nájimedenovtiń týǵan jeri.
«Buıra qumnyń ortasy – buıyrǵyndy tóbe jaı, Kúnge jaıǵan terideı sor qorshaǵan jaǵalaı», dep aqyn shabytyna arqaý bolǵan qasıetti meken topyraǵyna áli qansha syrdy búgip jatyr eken?..
ATYRAÝ
