Kásipkerler kapıtalǵa quıýdyń arqasynda tıimdi sharttarmen: teńgemen jyldyq 8%-ǵa deıin, 10 jylǵa deıingi merzimde balamaly qarjy kózderine ıe bola alady. Bul rette Baiterek Venture Fund kompanııalardy olardyń kapıtaldaǵy qatysý úlesterin 49%-dan artyq emes mólsherde VTB Banki (Qazaqstan) kepildigimen satyp alý arqyly qor jınaıtyn bolady. Shaǵyn jáne orta kásipkerlik sýbektileri úshin ınvestısııa somasy 1 mlrd teńgeden aspaýy qajet.
– Biz Baiterek Venture Fund-pen kelisimge qol qoıdyq, oǵan sáıkes bank kapıtalǵa jeńildikpen qarjylandyrý baǵdarlamasynyń sharttaryn qoldanýdy uıǵarǵan kompanııalardyń jobalaryn ózdiginen iriktep alady jáne Baiterek Venture Fund paıdasyna qaraı kepildik shyǵarady. Investısııalaýdyń mundaı túri – bul memlekettik damý ınstıtýttary men kommersııalyq bankterdiń arasyndaǵy tıimdi ózara árekettesýdiń mysaly, sondaı-aq ShOB sektoryn damytýdyń ótimdi tásili, – dedi VTB Banki (Qazaqstan) Basqarma Múshesi Igor Lı. – Bizdiń bank - elimizdegi kásipkerlikti damytýǵa jáne berik ShOB sektoryn qurýǵa baǵyttalǵan 13 memlekettik baǵdarlamanyń belsendi qatysýshysy. Biz klıentterimizge otandyq naryqta usynylǵan kez kelgen múmkin bolatyn quraldarmen kómektesýge daıynbyz.
Operator retinde Baiterek Venture Fund AQ tanylatyn, ekinshi deńgeıdegi bankter arqyly kapıtalǵa jeńildikpen qarjylandyrý baǵdarlamasyn iske asyrýǵa 30 mlrd teńge bólindi – bul «Qazyna Kapıtal Menedjment» AQ qarajaty. Jobanyń negizgi maqsaty – ekonomıkanyń shıkizattyq emes salalaryn damytý, shıkizat emes ónimniń eksportyn qoldaý, jumysbastylyq deńgeıin arttyrý.
Baǵdarlama mehanızmi birneshe kezeńdi kózdeıdi: aldymen kásipker kepildik alýǵa ótinimmen bankke júginýi jáne óz kompanııasyn baǵalaýy qajet, sodan soń bank bızneske saraptama júrgizedi; kásipker bankten hat alǵannan keıin Baiterek Venture Fund-ke ótinim bere alady, keıin qor óziniń jedel-taldaýyn júrgizedi. Eger eki saraptamanyń da nátıjeleri oń bolsa, onda kásipker, bank jáne qor arasynda qarjylandyrý týraly qujattarǵa qol qoıylady jáne qarajat bólinedi.
ALMATY
