Kórmege Parlament Májilisiniń depýtaty Asylbek Smaǵulov, Bosnııa jáne Gersegovına Parlamenti Halyq Palatasynyń tóraǵasy Bakır Izetbegovıch, Túrkııa Respýblıkasynyń Qazaqstandaǵy Tótenshe jáne ókiletti elshisi Nevzat Ýıanyk, Mádenıet jáne sport vıse-mınıstri Nurǵısa Dáýeshov, Ulttyq akademııalyq kitaphanasynyń basshysy Úmithan Muńalbaeva, Qazaqstannyń Bosnııa jáne Gersegovınadaǵy qurmetti konsýly Amel Dızdarevıch, Bosnııa Ulttyq mýzeıiniń dırektory Adnan Jıshko jáne ózge de shyǵarmashylyq qaýym ókilderi qatysty. Parlament Májilisiniń depýtaty Asylbek Smaǵulov qos eldiń arasyndaǵy dıplomatııalyq qatynastyń ornaǵanyna 23 jyldan astam ýaqyt bolǵanyn, mártebeli meımandardyń bul jolǵy sapary ózara yntymaqtastyqty nyǵaıtýda mańyzdy ekenin alǵa tartty.
– Bosnııa jáne Gersegovına memleketi Qazaqstanǵa halyqaralyq deńgeıde qoldaý kórsetip keledi. Elimizdiń 2013 jyly EQYU-ǵa tóraǵalyq etý kezinde, sondaı-aq 2017-2018 jyldar BUU Qaýipsizdik Keńesiniń ýaqytsha múshesi bolýyna qoldaý kórsetýimen ózge de halyqaralyq sharalarda eki el ustanymy árdaıym jarqyn úılesim taýyp keledi. О́tken kezeńderde barlyq salada tyǵyz saýda-ekonomıkalyq qarym-qatynas iske asyrylýda. Mádenı-gýmanıtarlyq salada da birqatar mańyzdy is-sharalar atqarylyp úlgerdi. Sonyń biri 2018 jyly Saraevo qalasynda Tuńǵysh Prezıdent – Elbasy Nursultan Ábishuly Nazarbaevtyń «Táýelsizdik dáýiri» atty kitabynyń tusaýkeseri ótken bolatyn. Bıyl aqpanda túrki mádenıeti jáne ónerin damytý jónindegi halyqaralyq Túrksoı uıymynyń bastamasymen Saraevo qalasynda qyzylordalyq kameralyq orkestrdiń gala-konserti ótti. Eki el arasynda memleketaralyq jáne parlamentaralyq baılanys óz jalǵasyn taýyp keledi. Búgin biz Bakır Izetbegovıchtiń óz ákesi jáne memlekettiń negizin qalaǵan Iýgos-lavııadaǵy azamat soǵysyna toqtaý salǵan, óziniń ǵana emes basqa da jas memleketterdiń beıbit ómirge qaıta oralýyna, qaıta túleýine eresen eńbek etken Alııa Izetbegovıchke arnaǵan kitaptyń tusaýkeserinde kezdesip otyrmyz. Eki el arasyndaǵy baılanys jalǵasyn taba bersin. Bakır Izetbegovıchke saıası qyzmetimen qosa shyǵarmashylyq jumysynda da tabys tileımin, – degen Asylbek Smaǵulov keleshekte kitaptyń qazaq tiline aýdarylyp, oqyrman júregine jol taba bersin degen senimin bildirdi.
Kórmege Bosnııa men Gersegovınanyń tuńǵysh Prezıdenti Alııa Izetbegovıchtiń adamı qasıetteri, onyń taǵylymy mol tulǵa retindegi qoǵamdaǵy ornyn aıshyqtaıtyn dáıeksózdermen qosa 40-qa tarta muraǵattyq fotosýretter kópshilik nazaryna usynyldy. Sondaı-aq el taǵdyrynyń sheshýshi kezeńderi men syn saǵattaryndaǵy ustanymy men ómir joly jaıynda qysqasha dáris oqyldy. El táýelsizdigi jolyndaǵy kúreste úlken ról atqarǵan kóshbasshynyń ómir jolyndaǵy eń mańyzdy tustary qamtylǵan. «О́rkenıetti memleket qurý jolyndaǵy bostandyq pen quqyq qaǵıdalaryn berik ustanǵan Alııa Izetbegovıchtiń ómir joly qym-qıǵash boldy. Kommýnıstik rejim ony 17 jylǵa bas bostandyǵynan aıyryp, ómiriniń toǵyz jylyn qapasta ótkizdi. Bir qaraǵanda, onyń eshqandaı múmkindigi bolmaǵandaı kóriner edi. Danalyq pen meıirimdi, beıbitshilikti ustyn etken qaıratker jan 2003 jyly dúnıeden qaıtty. Ol artyna tózimdi, ádildikti mura etip qaldyrdy. Bosnııa bul – Balqan túbegindegi jaı ǵana memleket emes, túrli din men mádenıet ókilderi beıbit ómir súretin el ekenin kórsetip ketti», degen Bosnııa jáne Gersegovına Parlamenti Halyq Palatasynyń tóraǵasy Bakır Izetbegovıch kórme qonaqtary men uıymdastyrýshy tarapqa aıryqsha alǵys bildirdi.
Kórnekti qaıratker Izetbegovıch moraldyq jáne etıkalyq qundylyqtardy halyqaralyq qoǵamdastyq faktory retinde saıası bıliktiń qaınar kózi etti. Arhıv qujattary, fotosýretter men beınematerıaldar, biregeı qoljazbalar, bári de – Bosnııa men Gersegovına memleketiniń erteńin anyqtaǵan oqıǵalardy beıneleıdi.
