Taǵaıyndaý • 25 Qyrkúıek, 2019

Batys Qazaqstan oblysy ákiminiń birinshi orynbasary taǵaıyndaldy

95 ret kórsetildi

Búgin Batys Qazaqstan oblysynyń ákimi Ǵalı Esqalıev aktıv otyrysynda óziniń jańa orynbasaryn tanystyrdy. Bul týraly ákimdiktiń baspasóz qyzmeti habarlady.

«100 naqty qadam» – Ult josparynda kórsetilgen merıtokratııa qaǵıdasyna sáıkes Prezıdent Ákimshiligi kelisimimen jáne ákimniń ókimimen Batys Qazaqstan oblysy ákiminiń birinshi orynbasary bolyp Mankeev Muhtar Naýryzbaıuly taǵaıyndaldy.

Muhtar Naýryzbaıuly Mankeev – 1984 jyly týǵan, bilimi joǵary, Jáńgir han atyndaǵy Batys Qazaqstan agrarlyq-tehnıkalyq ýnıversıtetin «ınjener», «ekonomıka», Fınlıandııa Respýblıkasynda Oýlý ýnıversıtetin «bıznes ákimshileý magıstri» mamandyqtary boıynsha bitirgen.

Ár jyldary:

- «Jasyl El» Batys Qazaqstan oblystyq fılıaly jetekshisi, «Jasyl El» respýblıkalyq shtabynyń jetekshisi,

- «Samǵaý» ulttyq holdıngi» AQ menedjeri,

- Indýstrııa jáne jańa tehnologııalar mınıstrligi Injınırıng jáne jańa tehnologııalar transferti ortalyǵynyń departament dırektory,

-  «Astana Innovations» AQ basqarýshy dırektory – basqarma múshesi,

- Soltústik Qazaqstan oblysy ákiminiń orynbasary  qyzmetterin atqardy.

Kúni búginge deıin «Fın Bıznes Haby» kompanııasynyń dırektory, «Qazaqstan 2050» jalpyulttyq qozǵalysy keńesiniń tóraǵasy boldy.

Ol kásipkerlik, ónerkásip jáne ınvestısııalar, aýyl sharýashylyǵy, veterınarııa, jer qatynastary, týrızm máselerine jetekshilik etetin bolady.

Sońǵy jańalyqtar

Uqsas jańalyqtar