Nur-Sultan qalasynyń Qalalyq ortany jáne sapany baqylaý basqarmasy Eńbek qaýipsizdigi jáne eńbekti qorǵaýdy baqylaý bóliminiń basshysy Murat Shákenovtyń aıtýynsha, joba aıasynda óndiristik jaraqattar men jalaqy máselelerimen aınalysatyn jumys toby quryldy. Onyń quramyna prokýratýra, polısııa departamenti, Memlekettik kirister departamenti jáne eńbek ınspeksııasy ókilderi bar.
Sonymen qatar, memlekettik ınspektorlar birneshe jyldan beri júıeli túrde túsindirý kezdesýler men semınarlar ótkizip keledi. Bul jumystyń nátıjesi óndiristik jaraqattaný, jumys oryndaryndaǵy ólim-jitim deńgeıin tómendetý jáne eńbek qaýipsizdigin arttyrý bolmaq.
Bıylǵy jyly memlekettik eńbek ınspektorlary 2000 astam adamdy qamtıtyn 84 profılaktıkalyq is-shara ótkizdi. 2019 jyly eńbek ınspektorlarynyń talaptary negizinde elordanyń 8 qurylys-óndiristik obektilerinde qaýipsizdik talaptaryn saqtamaýyna baılanysty jumystar toqtatyldy, al materıaldar sotqa jiberildi.
Nur-Sultan qalasynyń Kásipodaq ortalyǵynyń tóraǵasy Tastanbek Esentaev jumysta jaraqattanýdyń sebebi jumys berýshiler tarapynan bolatyn nemquraılylyqty alǵa tartady. Onyń aıtýynsha, jumys berýshiler jumys tıisti túrde uıymdastyrylmaı, qyzmetkerlerdiń qaýipsizdik tehnıkasy týraly habarsyzdyǵy men eskirgen jabdyqtarda jumys isteýge jol berýleri.
