Prezıdent Qasym-Jomart Toqaev Qazaqstan Respýblıkasynyń halqyna arnaǵan óziniń alǵashqy Joldaýyn jarııalady. «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» taqyrybymen usynylǵan qujatta Prezıdenttiń memlekettiń qoǵamdyq damýyna jas azamattardy kóptep tartýǵa erekshe mán berýi, olardyń belsendiligin arttyrýǵa baǵyttalǵan jastar saıasatynyń jańa qaǵıdattaryn nyǵaıtýǵa kúsh salýy – memlekettiń bolashaq myqty irgetasyn qalaýǵa yqpaly zor.
Joldaýda aıtylǵan áleýmettik jáne etnostyq toptar arasyndaǵy qoǵamdyq kelisimdi nyǵaıtý, qazaq tiliniń memlekettik til retindegi rólin kúsheıtý, etnosaralyq tatýlyq pen dinaralyq kelisimdi turaqtandyrý sııaqty máselelerdiń mańyzdylyǵyn jáne zamanaýılyǵyn basa aıtý qajet.
Reti kelip turǵanda aıta keteıin, Qazaqstanda memlekettik organdardyń etnomádenı birlestiktermen ózara tıimdi qatynas júıesin qurýǵa, etnosaralyq jáne konfessııaaralyq kelisimdi nyǵaıtýǵa, túrli etnostar tilderindegi bilim berý salasyn jetildirýge baǵyttalǵan birqatar mańyzdy jobalar iske asyrylýda. Bul eldegi turaqtylyq pen ornyqty damýdy odan ári ilgeriletýde óte mańyzdy.
Lamberto ZANER,
EQYU Az ulttar isteri jónindegi
Joǵarǵy komıssary
